04.10.05
alt+shift+delete!!
في لحظة وقوعه من الاوتوبيس
اللي هانه وجري
اتمرمغت كل حكاياته على الأسفلت
واتشعلقت فيه عيون الخلق
بسؤال عبيط
هتعمل ايه دلوقت
حاول يقوم من تحت صخرة وقت
وكإنه عادي
لكنه مقدرشي
وقع تاني
وقع بجد المرّة دي
وقع المرّة دي بجد
عمر
Omar قال,
أبريل 10, 2005 في 1:14 ص
أولاً مش انا اللي وقعت من الأوتوبيس يا روّش، ولو انها مش بعيدة على ربنا، تعرف إنه عندي الهاجس ده بجد؟ ربنا يستر علينا، وعلى حكاياتنا من المرمغة قدام الخلق على الأسفلت
التغيير اللي انت اقترحته أجمل فعلاً، النهاية كدة (أوقع)، ومناسبة أكتر، والمسألة مش فهم للشعر ولا غيره يا عم، ده مش جبر وحساب، المسألة إحساس وانت حسيتها أفضل منّي.. ابقى فكّرني اديك نسبة من الحكايات
Ghada قال,
أبريل 10, 2005 في 10:59 ص
آه ..قلبي !
ده مش شعر ..ده رصاص
بالراحة علينا شوية يا عم عمر. بالمناسبة .. الصورة تحفة.
“آه لو نتأمل حبة”
Anonymous قال,
أبريل 10, 2005 في 11:48 ص
دعــــاء… (باكتب اسمي فوق لأني باكره Anonymous دي، ادعوا لي أسجل نفسي قريب)المهم…
ميرسي جدا ع الاشتغالة.. ده ف الأول
أما في الأول اللي قبل الأول.. يعجبني فيك إن الحاجة مش بتعدي عليك وارمي… لا لا لا لا وهو ده سر معاناتي.. وأولاً برضه، دايما باشوف في شعرك وجواك المصري قبل التعديلات الجينية
…
استمر يا بني في اتحافنا وخبطنا
والله يسامحك
محمد هشام عبيه قال,
أبريل 10, 2005 في 12:29 م
جامدة ياواد ياعمر..تعرف أن الشعور ده بيحصل لي كتير ..أنا طبعا مش بفهم في الشعر بس مش عارف ليه تخيلت أن الشطر الأخير
لكنه مقدرشي
وقع تاني
وقع بجد المرّة دي
كان ممكن ينكتب كده
لكنه مقدرشي
وقع تاني
وقع المرة دي بجد
“للمرة التانية أنا لا أفهم في الشعر إلا معانيه و لا أفهم موسيقاه و أوزانه وأكيد اللي أنت كاتبه هو الصح في الوزن..بس أنا بقول اللي جه في بالي .ومتزقش كده ..
وأوعى تقع من الأتوبيس تاني ..
اتفق مع غادة في أن الصورة عبقرية
Anonymous قال,
أبريل 11, 2005 في 7:07 ص
لو بين الزحام تاهت خطوتك
وبين الاحزان تاهت دمعتك
ولما تبغي تلقى نفسك بوحدتك
ساعتها يبقى لابد من
alt+shift+delete
عن جد يخرب بيت شعرك يا عمر
نور
Anonymous قال,
أبريل 11, 2005 في 7:12 ص
سوري كان بدي أقول
وبين الاحزان احتارت دمعتك
تصحيح
نور
Anonymous قال,
أبريل 12, 2005 في 9:41 ص
أخيرا يا عمر حدثت البلوج! كل يوم بافتح أدور وكنت حابعت أسألك ايه الحكاية
القصيدة جامدة أوي و في وقتها
مي حمدي
Omar قال,
أبريل 12, 2005 في 12:58 م
يا ستّي متدقيش، أهي كلها دموع ووجع قلب!!.. عموماً تسلمي يا ستّي، وبتنوريني يا نور
Muhammad Aladdin قال,
أبريل 13, 2005 في 1:54 ص
انت ابن ستين ف سبعين كل ما بقرالك بكتشف قد ايه البني آدم لازم يسيب الكتابة و يروح يبيع بطاطا
ربنا معاك يا بني
علاء
خالد المحارب قال,
سبتمبر 28, 2006 في 8:27 م
احييك ؟؟؟؟؟؟؟؟من كل قلبي اذا كنت اللى فى بالي
كلام جميل جداااااااااااااااااااااااااااااااااااااااااااااااااااااااااااااااااااااااا