04.13.05

يا سلااام، بتوحشني

نشرت تحت تصنيف موزونٌ مُقـــفـّى في 9:09 ص بواسطة tagreba

me in Tunis Village Fayoum, 2003, photo by M. Sharqawy

مهداة إلى روح الهَوَى المهجور

باحب اغيب
واسيب مكاني غريب
وتترسم علامة تعجب ساهية
على وشك
وانت اللي لامحني
بطرف عين حسّك
وانا
مستخبي جوة سحارة
وباضحك في سري
شطـّّور بنضارة
أنا
مش هنا
أنا مش هناك
لكن خيالي معاك
وانت اللي في خيالي
تضحكلي لما اظهر
ينطق لسان حالي
وانت اللي ترقيني
تحاوطني بالبركات
تكتب على جبيني
“كان أصله غاوي سكات
كان غاوي يتمرجح”
وادعيلي لجل افرح
في سكة الواحة
أقطفلي تفاحة
من جوة بطن الجبل
يادي الهبل
ده احنا بنتساهر
أتاريني مش قادر
أكتم في أمنية
إني ابقى وحديّة
نوحش في بعضينا
ونسلـّي بينا الزمن
“كان أصله غاوي التمن
يبقى من روحه
يبقى من الأيام“
عمر
استمع إلى “وحدن”.. الست فيروز

تعليقات »

  1. Muhammad Aladdin قال,

    أبريل 13, 2005 في 10:20 ص

    بطل بقي كتابة حلوة يا عم! الله! :)

  2. Omar قال,

    أبريل 13, 2005 في 11:29 ص

    طب يا أخي متزقش، الله!!

  3. maha قال,

    أبريل 13, 2005 في 11:51 ص

    جمالها يكمن في بساطة أحرفها

    ****************
    أنا
    مش هنا
    أنا مش هناك
    لكن خيالي معاك
    و انت اللي في خيالي
    تضحكلي لما اظهر
    *****************

    رائــعــة

    =)

  4. Anonymous قال,

    أبريل 14, 2005 في 2:58 ص

    حلوة أوي يا عمر

    مي حمدي

  5. أبو فروة قال,

    أبريل 14, 2005 في 6:47 ص

    نفسي ربنا يديني طولة العمر واسمع عبارة “مع الباعة في الأسواق ديوان الشاعر عمر مصطفى”

    انت تستحق ذلك بجدارة يا عمر بس لاحظت حاجة صغيرة بس مهمة وهي أن قصائدك الأخيرة أقل “موسيقية” من قصائدك الأولى – عسى ما شر – (على رأي أخواننا في الخليج؟!!)

  6. Amira قال,

    أبريل 14, 2005 في 12:14 م

    يا سي “عمر” غيب ياسيدي براحتك،
    بس المهم تعود، وتجمعنا زي ما عودتنا دايماً،
    ترجع وانت حاضن عودك،
    وصوتك عالي بأحلى كلام شايل أحلى أمل وأعذب شجن…

  7. Muhammad Aladdin قال,

    أبريل 15, 2005 في 5:33 ص

    الله الله؟

  8. خالد المحارب قال,

    سبتمبر 28, 2006 في 8:32 م

    احييك انت وكل اللى معاك
    مي حمدي
    اميرة
    ابو فروة


أترك تعليقا