06.01.05
عابر سبيل
اليوم عبرت محطتي الثالثة والعشرين. أرتاح هنا قليلاً، بينكم. يا أهل الدار.. عابر سبيل أنا، شربة ماء، كلمة، ابتسامة، قصيدة، عَلـَم، امنحوني اسمي مجدداً وباركوه، اغسلوني بالماء والبَرَد، وزودوني قوتاً غير معلب، تقتات عليه روحي في الأيام التي قد تأتي..
غداً أستأنف، غداً أرحل مجدداً نحو الرحيل الكبير. لا أخفيكم سراً، لا زلت لا أملك إخفاء ابتسامتي عندما تشرق الشمس أمام عينىّ، عندما يغني الرفاق من قلوبهم، وعندما …
كما أن لي قلباً رغم أنه قد قسى وتبلد، إلا أنه يضعف ويرتجف لا يزال في لحظات هي مباركة
ولا أخفيكم سراً، لا زلت أحن إلى النور، رغم شوقي أحياناً لظلمة تفهمني، ظلمة خارج القلب لا داخله، تعزلني وتواسيني. إلا إني كائن يحترم النهار بكل ما فيه، ورغم عشقي لليل، فإني لم أعد أثق به إطلاقاً، فطالما وعدني وخلف، وائتمنته فخان، لكني أيضاً لا أملك شيئاً أمام من يبتسمون في وجهي، اعتبروني ساذج لكنها الحقيقة.
غداً تسرع خطاى الملهوفة المرهقة رغم كسلي، أصالح مجدداً أوتاري وأوراقي وقلمي، أهديهم أملاً جديداً، ووعداً بعدم الهجر والفرقة، يصدقونني في كل مرة وأصدق أنا أيضاً. الحمد لله على نعمة النسيان.
ربما قد مللت من أخطائي وسخافاتي المكررة، وربما قد سخطت عليها وعلىّ، ربما أتعبتني المسافات، والوجوه (الفايبر لتعيش أكثر وأكثر)، والأيام النكرات، والساعات المبهمة. لكنها الوجوه الطيبة، موجودة تخبرني بأن ثمة ما ومن يستحق البقاء والعناء في عالمنا المخبول البائس هذا.
تحملوني يا ناس وسامحوني فإني قد سامحتكم، واغفر لي وسامحني يارب. قني والناس شرور نفوسنا والهمنا الصبر والرؤية على قدر ما نتحمل يارب. أسألك الخير والعافية لنفسي ولوالدىّ ولكل قلب هو في رحمتك التي وسعت كل قلب. آمين
عمر
أحمد قال,
يونيو 1, 2005 في 1:01 ص
شوف مبدئياً
كل سنة و أنت طيب
ثانيا مش انت اللى غلطان لازم هما اللى يحركوا يوم الحداد دا
-
محمد هشام عبيه قال,
يونيو 1, 2005 في 1:18 ص
كل سنة وأنت طيب ياسيد عمر وتماشيا مع كلام حموكشة اللي اتمخمخت منه بالقوي..
كل سنة وأنت أكثر طيبة
من قلبي أتمنى أن تفتت السحب التي تحجب شموسك
Ahmed قال,
يونيو 1, 2005 في 6:20 ص
كل سنة وانت طيب يا جميل ياابو قلب ابيض
Doaa Samir قال,
يونيو 1, 2005 في 11:09 ص
عمر,,,عمري ما اتمنيت إني أكون شاعرة وإني أعرف العروض لكي أستطيع نظم ما سوف أقول نثراً، كما أتمنى الآن
عابر سبيل، لكنه ليس ككل السبل، وعابر، لكنه ليس أي عابر.. أنت فنان تبدع في الحياة، ومن الحياة حياة. بينك وبينها علاقة غريبة تجعلك تخاصمها وأنت إليها مشتاق، وتصالحها وأنت نافر مما فيها من تكشير تطمسه بدوزنة (اسم يدوزن- مش عارفة) ولمسة وتر في العود، ونفحة عطر في بيت يقول لك أو ربما يقول لنا سبب وجيه للفرح
عمر, جميلة وشرحة وبرحة النافذة الشفافة اللي طليت علينا منها النهاردة وطليت منها على امبارح وبكرة… وخلتني أنا كمان أطل منها… كل سنة وإنت عمر بتضحك في وش الشمس وتحس وترتجف في اللحظات المباركة. كل سنة والوجوه الطيبة حواليك بابتساماتهم وضحكاتهم المكركعة وغناهم الناشز. كل سنة وإنت طيب يا عمر
Ghada قال,
يونيو 1, 2005 في 11:41 ص
أعصابي تعبت!
كل سنة وإنت طيب يا عمر
وبس!
Muhammad Aladdin قال,
يونيو 1, 2005 في 11:45 ص
كل سنة و انت طيب يا جميل
Hamuksha قال,
يونيو 1, 2005 في 12:10 م
تعيش وتفتكر يا عمر
من قلبي أريدك أن تحطم كل السلك الشائك الذي يعوق ورودك
هندزة قال,
يونيو 1, 2005 في 12:31 م
يا أبو عمر يا جميل مش كده كل سنة و أنت طيب و عقبال مائة ألف سنة بس تكون الاحوال فيهم أحسن من كده شوية و متخفش كلها شهرين و أحصلك
سامح
Omar قال,
يونيو 2, 2005 في 9:51 ص
وانتم بخير وصحة ورضا وسَكينة وصحصحة وعيون مفتحة زى الورد.. تسلم ايديكوا يا ناس
لون ولف قال,
يونيو 3, 2005 في 2:16 ص
رغم كل الظروف المارة حاليا علي المستوي العام
كل سنة و انت طيب
wa7ed mn masr قال,
يونيو 4, 2005 في 2:07 ص
يا عم عمر كل سنة وإنت طيب، كل سنة و إنت أكثر إبداعاً ،تمنياتى بسنة سعيدة
أبو فروة قال,
يونيو 4, 2005 في 12:12 م
عيد ميلاد سعيد رغم السواد
يا عمر يا شايل همنا المنعاد
كفاية بقى ظلمة كفاية هدد
حكاوينا تحكيها يا اجدع ولد
Omar قال,
يونيو 4, 2005 في 12:57 م
وانت طيب وبالصحة والسلامة يا ولف
ايه الجمال ده يا علاء، تسلم ايديك
Lasto-adri *Blue* قال,
يونيو 5, 2005 في 9:41 ص
بص أبسط حاجة ح أقولهالك
عشان معلش بس أنا مش فيا دماغ أنظم كلامى..
فكل سنة و إنت طيب.. بجد..
Lasto-adri *Blue* قال,
يونيو 5, 2005 في 9:43 ص
بس على فكرة.. إنتو بتصوبونى بالإحباط..
عشان إنت مشاء الله 23 و كدة.. و أنا لا أزال 20 و لسا موصلتش لحاجة…
Mohab قال,
يونيو 5, 2005 في 11:41 ص
tamam tamam
kol sana wenta tayeb
Omar قال,
يونيو 6, 2005 في 12:06 م
واحد من مصر: وانت طيب وبخير وجميل كعادتك
بلو: يا بنتي أولاً أنا 24 سنة، ثانياً أنا لسة تقريباً معملتش كتير من اللي نفسي اعمله، الأحلام مبتخلصش، وبعدين انتي صغيرة، يعني عندك لسة كل الفرص تعملي كل اللي تتمنيه، ذاكري كويس وبالتوفيق، ومتشكر جداً ليكي
مهاب: تمام تمام يا بوب، واحشينّي يا تحف
Lasto-adri *Blue* قال,
يونيو 8, 2005 في 1:03 ص
متقلش صغيرة.. 20 سنة مش صغيرة
أنا كل ما أقراء فى التاريخ أحس إنى عجوزة و مكحكحة.. و كفاية عليا كدة
20 سنة و مش عارفة أنا عايزة إيه.. و بدل ما أفكر، قاعدة أضيع عمرى هنا و هناك
رحت أدرس حاجة كنت فاكرة إنى بحبها * و فعلا كدة * لكن إكتشفت إنهم هناك مش بشر.. دول ماكينات موجهة
الهندسة قبل أى شئ فن و إبداع.. و هناك معدلات و صم.. هناك معتقل جماعى لكل الناشطين فكريا أو عقليا صدقنى
أنا خايفة عقبال ما أخلص، أفقد حتة الإنسان اللى بقيالى..
و ياريت مكنش من باقى القطيع
و تقول صغيرة!؟
صغيرة أه.. بس تايهة و بتضيع عمرها تدور على نور لجل تبدأ رحلة البحث عن نفسها من الأول
فبلاش الغم بتاعى كدة ع المسا.. و أتمنالك تحقق كل اللى تتمناه..
و بالتوفيق إن شاء الله
Eve قال,
يونيو 13, 2005 في 9:51 ص
الدّعاء متأخر شوي، بس كلّ سنة وأنت بخير يا عمر
Omar قال,
يونيو 14, 2005 في 12:14 م
وانتي بخير وصحة يا ست البنات
AZ قال,
يوليو 10, 2005 في 9:20 ص
ايه يا عم ايه فى ايه الكآبه دى انااروح انتحر بقى والا ايه
مانا ياخويه كملت 24 سنه فى يناير اللى فات وكله زى الفل وتمام التمام انت محسسنى ان اللى يقلولك كل سنه وانت طيب يبقى بيقتلك
طيب يا عم اشمعنى انا
دعنى اقتلك قليلا كل سنه وانت طيببببببببببببببب ?P:
Omar قال,
يوليو 10, 2005 في 10:56 ص
أييييييييييييي، عملتيها يا مفترية؟ يللا حصل خير–>