07.08.05

يا محلا الغُنا في الجنينة

نشرت تحت تصنيف مفيش ف الأغاني كدة ومش كدة في 5:10 ص بواسطة tagreba

سعدت جداً بحضور أول حفل من حفلات مهرجان “شعبي” الذي تنظمه مؤسسة المورد في مسرح الجنينة بحديقة الأزهر، ودعت إليه سامية على مدونتها.
الليلة الأولى أحيتها فرقة النيل للموسيقى والغناء الشعبي، التي أسعدت بها جداً، وكانت المرة الأولى التي أحضر لها عرضاً، فشكراً للمورد ولسامية، وللجنينة :-)
لقد كتبت تقريراً عن الحفل في بص وطل، به بعض الصور والمسامع الموسيقية، سأكون حاضراً اليوم في حفل البرامكة، وربما في الحفلات القادمة ان شاء الله، خلونا نشوفكم

تعليقات »

  1. wa7ed mn masr قال,

    يوليو 9, 2005 في 2:34 ص

    يا عم عمر تقريرك قلب على المواجع و دى كمان الست شادية بتغنى جنبى “أصله ما عداش على مصر..”،مش كده يا جماعة

  2. Omar قال,

    يوليو 9, 2005 في 2:38 ص

    يا سيدي لو انا قلبت عليك المواجع، فاحنا هنا بنتقلب فيها، ولا يهمك، وتيجي بالسلامة

  3. Aladdin قال,

    يوليو 9, 2005 في 6:09 ص

    في انتظار البرامكة يا سيدنا

    ملحوظة: انا المتحدث الرسمي باسم الخليفة أمير المؤمنين (طبعا عارف مين هو) قررنا منحكم مكافأة 1000 درهم على مقالكم السعيد، لكن لو معجبش حد مسرور السياف موجود!!!!

    هامش: يخرب بيت افيهاتك يا حمكشة…

  4. Omar قال,

    يوليو 9, 2005 في 6:33 ص

    علم يا مولانا، وشكراً ع العطايا، مقال البرامكةفي الطريق ع الهودج، بس جالي مكالمة ع الموبايل من السكيوريتي بتاع الهودج، بيقولوا انه غارز في صلاح سالم، ربنا يجيبه بالسلامة، تشكرات

  5. Omar قال,

    يوليو 10, 2005 في 1:04 ص

    دي (الجنينة) هتنور بالمدونين، أيوة كدة خلونا عزوة، ان شاء الله تنسط ونشوفك هناك، تحياتي

  6. AZ قال,

    يوليو 10, 2005 في 9:00 ص

    الله يعافيك
    يختشى يرجعك سالم غانم ويحرسك من العين انشالله الهى يجعلك فى كل خطوه سلامه ويسلمك من كل رضى بحق جاه النبى قادر يا كريم لولولولولىىىىىىىىىىى

  7. AZ قال,

    يوليو 10, 2005 في 10:19 ص

    الحفله كانت تحفه بس عيب المسرح هناك الكراسي معرفتش اتكيف وانا علي الكرسي هبقي اكمل الكلام بعدين
    قمت واخده الشلته وجعمزت جمب سعيد

    المهم يا اخ عمر والنبي عايزه تسجيل الربابه ده واي حاجه تانيه تكون سجلتها من الحفله لو ممكن تبعتهملي علي المايل بتاعي؟؟؟؟؟؟ ولو فيها رزاله يعني” ياكسوفي”
    bezret_eldor@hotmail.com
    يقعدلك في عينك وعيالك وصحتك وعافيتك بحق جاه النبي قادر ياكريم… الهي ما يعريلك جسد ولا يهريلك كبد تبعتهملي

  8. Omar قال,

    يوليو 10, 2005 في 10:30 ص

    وماله ياختي المدونين لبعضيهم برضه، هاعمل Editing بس للصوت، عشان التسجيل على قده، وهاشيّرهم لكل البشر، العواف

  9. Omar قال,

    يوليو 10, 2005 في 10:51 ص

    طب إيه نظام الديجيتال بخور، عشان انا كدة اتحسدت خلاص، وهاقلب لون الصفحة ازرق :-)

    يخرب بيت فقرك، ضحكتيني والدنيا حر

  10. African Doctor قال,

    يوليو 10, 2005 في 12:51 م

    سأذهب يوم الخميس القادم للطنبورة
    مقالك شجعني

  11. سامية قال,

    يوليو 11, 2005 في 2:54 ص

    عزيزي عمر، نيابة عن أسرة المورد أشكرك مرة أخرى على المقال وأسألك هل يمكن أن تضع لنا نسخة من الصور التي صورتها في الحفلات على سي دي لكي نضيفها إلى موقع المورد؟ (وبالطبع سنضع اسمك عليها)

  12. Omar قال,

    يوليو 11, 2005 في 5:01 ص

    طبعاً يسعدني إني أساهم بأى شكل في النشاط الجميل اللي بيعمله المورد، عموماً مش متأكد إن كنت هاقدر أحضر حفلة الطنبورة الخميس الجاى عشان أجيب السي دي، فممكن تبعتيلي ايميل على tagreba@hotmail وانا هارد عليكي بايميل أو أكتر فيهم الصور في ملفات مضغوطة كحل عملي وسريع، تحياتي

  13. AZ قال,

    يوليو 11, 2005 في 11:05 ص

    نظرا لانى عندى جيوب انفيه ومينفعش اتعامل مع البخور فهرقيك احسن وانت ابقى شملك شويه بخور فى اى حته
    رقيتك واسترقيتك من كل عين سمعت الاغانى ولا صليتش على النبى….. رقيتك بالصندل والحنضل واللى يحسدك يندل فى رقبته منجل …. حدارجه بدارجه من كل عين دارجه……… حىىىىىىىىىىىىىىىىىىىىىىىىى

  14. سامية قال,

    يوليو 12, 2005 في 2:09 ص

    شكراً يا عمر. أنا بعتلك على tagreba@hotmail.com

    طيب ويوم الجمعة؟ مش حتيجي الإنشاد الديني علشان نرقيك ونبخرك بجد؟؟ :)

  15. AZ قال,

    يوليو 12, 2005 في 2:25 ص

    ايوه تعالي الجمعه وانا ابخرك بجد بس هات انت المبخره

  16. Omar قال,

    يوليو 12, 2005 في 3:51 ص


    يا سلااام يا جماعة، بتحرجوني بذوقكم، ده انا ولا هارون الرشيد يا جدعان، أنا جاى طبعاً، ودي فرصة تتفوت :-)

  17. سامية قال,

    يوليو 12, 2005 في 5:39 ص

    يا عمر أنا بعتلك رسالتين على tagreba@hotmail

    وصلوك ولا إيه؟

  18. Omar قال,

    يوليو 12, 2005 في 6:08 ص

    أنا لسّة في الشغل، والهوتميل مقفول هنا لأسباب أمنية، أول ما اروح البيت هاظبّط

  19. AZ قال,

    يوليو 12, 2005 في 8:33 ص

    وانا بالدراع كده ضيفتك على المسنجر احم احم

  20. Omar قال,

    يوليو 12, 2005 في 9:22 ص

    ده من دواعي سروري والنعمة :-)

  21. AZ قال,

    يوليو 13, 2005 في 3:16 ص

    الشرف لينا يا معالى الدوق

  22. سندباد مصري قال,

    يوليو 14, 2005 في 3:48 ص

    اخيرا وبعد طول غياب يا عمر نعود الي النيله ونكتب اقوي روائعنا نرجو منك الذهاب ومعرفه اخر اخبارنا لانها قد تكون الأخيره بالفعل بعد المقال ( أرفع رأسك يا أخي )في موقعنا المحترمegysinbad


أترك تعليقا