11.14.05
أميرة بتصبّح عليّ
َ
وَصَلت مكتبي صباحاً لأجد ورقة صفراء صغيرة على شاشة جهازي بها هذه الكلمات:
أفتقد ونسك الطيب بشدة.. لا تنساني في الدعاء
أنا.. أميرة الخطيب، العاشرة مساءً
أميرة سابتنا وراحت دريم، خلاص مش فاضل غير كام اسم كمان يسيبوا المكان والموضوع يبقى بخ، مالوش لازمة.. بالتوفيق يا ست البنات، أنا كمان هافتقد ونسك الطيب.. بشدة
أميرة أول من يتذكر عيد ميلادي وأول من يلحظ ضيقي وهمي وفرحتي، وأول من يواسيني أو يشاركني بابتسامة، بشيكولاتة، بخبطة على ضهر الكرسي، فعلاً مش باكون محتاج أكتر من كدة، الحياة حلوة يا أميرة، بالناس اللي زيك، عايشين بالناس
Omar قال,
نوفمبر 14, 2005 في 1:16 ص
آمين
Eman قال,
نوفمبر 14, 2005 في 11:50 ص
حلو الكلام أوي يا عمر طالع من القلب تعرف أنا لغاية دلوقتي مش قادرة أحط قلم على ورقة وأقول أميرة بتعني ليا إيه؟
Amira قال,
نوفمبر 14, 2005 في 12:55 م
قريت كلامك وكتمت دموعي… أصل خلاص مبقاش في حد دموعي تنزل قدامه من غير كسوف..
تعرف يا عمر إني ساعات كتير كنت لما أكون قلقانة آجي أقف جنب مكتبك شويةوأطمن أو أخرج برا البرتيشن وأرجع تاني علشان عارفة إني أول ما أدخل المكتب حتقابلني بإبتسامتك الطيبة.. هو ده الونس الحقيقي يا عمر..ونس من غير كلام ولا حواديت..ونس ملقتوش عند أي حد غيرك إنت.. لأنك حد جدع.. عارف يعني إيه أخوة وصداقة بجد..
ربنا يكرمك يا عمر يارب ويتقبل مني كل دعوة بادعيها لك ويريح بالك وتنول كل اللي تتمناه….