11.17.05

وبعدها وِسْعة

نشرت تحت تصنيف النجمة ام ديل في 1:39 ص بواسطة tagreba

 

للوحدة في الحزن ريحة موت
ضلمة بيوت .. من غير شبابيك
غربة بيبان .. من غير بيوت
بس صحرا
لا فسرت همك
ولا عندها القدرة
تساع وجعك الطازة
وأجزائك الفتافيت

 

عمر

11 تعليق »

  1. Aladdin قال,

    نوفمبر 17, 2005 في 6:39 ص

    وجعتني … بجد

  2. Aladdin قال,

    نوفمبر 17, 2005 في 6:39 ص

    وجعتني … بجد

  3. Doaa Samir قال,

    نوفمبر 17, 2005 في 7:31 ص

    زيك يا عمر.. لا الصحرا ولا حتى السما فسرت همي ولا سعت حزني

  4. hesterua قال,

    نوفمبر 18, 2005 في 2:02 ص

    ان مقرتش تضحك متدمعش و لا تبكيش

    راجعلك يا دنيا

    راجعلك يا دنيا
    جاى على بابك
    قومى يا دنيا
    و افتحى دولابك
    البسى
    اتجملى
    رجعى شبابك
    واتكحلى
    جنب الشباك
    ورامشربية
    استنينى
    نسيت انا سنينى
    نسيت كلامك
    نسيت خصامك
    ومهما تعملى فاكرك
    ومهما تهجرى عاشقك
    ومهما تعملى فيا
    هجرى وراكى واحايلك
    رغم الدموع
    رغم الأنين
    اللى سكن الضلوع
    جايلك مفيش ممنوع
    جوايا ميت موضوع
    راجع بمليون فكرة
    جايلك بمليون ايد
    لكل ايد فكرة
    ولكل فكرة ايد
    عاشقك غنى واحلام
    بعزف وتر انغام
    ومعايا احلى كلام
    لبكره ولقدام
    راجع وقلمى حديد
    هكتب غنى واشعار
    وقصايد على كيفى
    هغازل شمس النهار
    هعشق قمر صيفى
    هغنى للموجود
    وضحكة المولود
    وحلمى لو موعود…يسيبنى
    فى غيرو
    اناديلو
    بقوتى المكبوتة
    وبرقة البنوتة اسايسه
    واحكيلو
    ويسمعنى
    وافتح صدرى للدنيا
    وايه يعنى
    وتتغتح صناديق
    وتتملى الأباريق
    ويرتوى العطشان
    من كفى
    وتقفى يا بلادى فى صفى
    ويبتدى التاريخ من عندى

    ايه يا عم عمر
    دا انت اللى علمتنى
    بس قليل من الحزن ممكن يشحن الفنان

  5. hesterua قال,

    نوفمبر 18, 2005 في 2:04 ص

    سبحان الله
    المحاولة دى انت اول واحد شوفتها فى الأميل
    و مدونتهاش من يومها من شهرين
    و تانى مرة عشانك باردو يا عمر

  6. Zeryab قال,

    نوفمبر 18, 2005 في 5:18 ص

    وجعتنى

  7. AZ قال,

    نوفمبر 18, 2005 في 12:42 م

    لا الحزن دايم ولا الفرح دايم…. ولا دايم الا وجه الدايم…. زيح من على قلبك محدش هيعرف يزيحهولك غيرك :)

  8. sefsafa قال,

    نوفمبر 19, 2005 في 6:41 ص

    تسلم يا عمر ويسلم وجعك الطازه
    حلوة اوى
    ضلمه بيوت من غير شبابيك
    غربه بيبان من غير بيوت

    كتابتك مثيره للتأمل

  9. Omar قال,

    نوفمبر 19, 2005 في 10:25 ص

    آسف على أي وجع يا جماعة، وشكراً على التواصل الجميل، كدة الحياة أسهل :-)

  10. Omar قال,

    نوفمبر 21, 2005 في 5:18 ص

    دكتور زيفاجو:
    انت بالذات حيرتني، مش عارف اعمل معاك ايه، انا مستاهلش ده كله يا احمد

  11. ماريو البورسعيدى قال,

    نوفمبر 26, 2005 في 2:41 ص

    عايز اقول حاجة اكتر من “جميل” او “رائع”…بجد
    ازاى اتكلمت عنى؟
    فنان

أترك تعليقا