11.24.05
خايف؟؟
الخوف
ماهوش كائن خرافي بأجنحة
مستني فوق ضهر الدولاب
علشان ف لحظة يخضنا
الخوف مرض
سرطان بيكبر فوق مراكز حسّنا
الخوف سراب
بس احنا صحرا كبيرة ليه
الحبُ أصعب
Posted in النجمة ام ديل, موزونٌ مُقـــفـّى at 2:44 am by tagreba
الخوف
ماهوش كائن خرافي بأجنحة
مستني فوق ضهر الدولاب
علشان ف لحظة يخضنا
الخوف مرض
سرطان بيكبر فوق مراكز حسّنا
الخوف سراب
بس احنا صحرا كبيرة ليه
|
Guevara said,
November 24, 2005 at 3:29 am
الخوف ده حاجة بتتزرع من جوة منك .. مش سراب
Omar said,
November 24, 2005 at 5:40 am
الزرع ليه جذور، الخوف مش دايماُ كدة، وجهات نظر!!
Doaa Samir said,
November 25, 2005 at 2:49 am
لما قرأتك من أكتر من سنة ياعمر مافكرتش في النقطة دي.. لكن دلوقت أقدر أقول إن الخوف هو بالفعل سرطان كبير بيكبر فوق مراكز حسنا، بس مش سراب ولا احنا فاضيين للدرجة دي عشان نكون صحرا كبيرة ليه.. هو حقيقة موحشة إذا حسيته بجد ويارب ما تحسه..
7ader said,
November 25, 2005 at 12:49 pm
الخوف كانه كلب سد الطريق وكنت عاوز اقتله بس خفت
ماريو البورسعيدى said,
November 26, 2005 at 2:52 am
اظن يا عمر ان الواحد مش صحرا وبس انما كون بحاله
ووصفك للخوف رقيق جدا
يا اخى الخوف دا بشع اوى
Geronimo said,
November 26, 2005 at 5:01 am
الخوف سراب
بس احنا صحرا كبيرة
ليه؟؟؟؟
قريتها على هيئة سؤال معرفش ليه ؟؟
مع انى عارفة قصدك كويس
بس زي ما يكون كنت عايزة اسأل نفسي ليه ؟؟؟؟؟؟؟
بسيب الخوف يسد الطريق ويبقة وحش رابض فوق الدولاب وجوه الهدوم
ليه بنبقة صحرا كبيرة بيحاوطها الخوف من كل جانب
وايه الحل
؟؟؟؟؟
نعيش بحكمة المحكوم عليه بالإعدام
لا أشياء أملكها لتملكني
ولا ايه ؟؟؟
ايه يخضر الصحرا
ويبعد السراب عن العيون
ويا ترى
احنا العطشانين
ولا احنا السراب
ولا الصحرا
حد فاهم حاجة
مامتى قالت لى متسأليش ليه ف كل حاجة عشان متتجننيش بس انا متعودش اسمع كلام ماما
احمد فوزى said,
November 27, 2005 at 12:23 pm
صبح صبح
ده بجد شعر غصبا عن عين السمس ذاتها
Omar said,
November 28, 2005 at 1:17 am
شكراً على التعليق يا جماعة
أمان
sefsafa said,
November 28, 2005 at 12:08 pm
الخوف ده زى الجراد اللى بياكل الاخضر واليابس
يعنى ياخدك من كل حاجه ويعميك عن كل حاجه
الخوف وطن منتهك وصاحب جبان