03.02.06
يا أهل ودّي
سلام على الناس الحلوين.. واحشاني “التجربة” والتواصل والزخم، لكن السكوت أحياناً فضيلة، والبعد مش معناه فراق.. ولا ايه
على أي حال، حبيت أدعوكم جميعاً أنتم ومن تحبون لحضور قعدة جديدة للجميزة، في قاعة الحكمة بساقية الصاوي يوم الثلاثاء القادم 7 مارس الثامنة مساءاً..
بالنسبة للي حضروا قبل كدة، فيه إضافات جديدة المرة دي، في الآلات الموسيقية والأصوات، ويمكن الأغاني، والمفاجأة مشاركة مدونة عزيزة بالغنا في جميزة لأول مرة، والظاهر دي نواة لجوقة مدونين هتكسر الدنيا، أكتر ماهي مدشدشة
اقدم لكم جميزة
أصوات: ناصر النوبي، ميدو، يوسف سلامة، نورا أنور، (مفاجأة)، عمر مصطفى
إيقاعات: الأمير، أشرف، مجدي
عود: عمر مصطفى
قانون: عادل عامر
كمان: أسامة غيث
كلارنيت: عم عبد الحميد
كل قعدة وانتم طيبين
Nerro قال,
مارس 2, 2006 في 11:19 ص
السكوت ساعات بيكون فضيلة أه مش مختلفين..بس انت طولت حبتين المرة دي
أشوفك في قعدة الجميزة ان شاء الله 
Aladdin قال,
مارس 2, 2006 في 11:37 ص
يا ريت نجمّع دايما في ضل الجميزة يا عمّور!
عمرو عزت قال,
مارس 3, 2006 في 2:03 ص
حمد الله ع السلامة
وحشتنا تجاربك
hesterua قال,
مارس 3, 2006 في 12:41 م
اخيرا….عود احمد يا عم عمر
و حفلة موفقة انشاء الله
AZ قال,
مارس 4, 2006 في 3:19 ص
opaaaaaa ana 3rfa el mofg2a aften???????
محمود عزت قال,
مارس 4, 2006 في 7:34 ص
أخيرا!
فينك يا عمر بس؟
نشوفك يوم التلات بقى!
Doaa Samir قال,
مارس 5, 2006 في 9:41 ص
حمد الله ع السلامة يا باشا..افتقدت وجودك البلوجي يا أخي!!د
Omar قال,
مارس 5, 2006 في 9:51 ص
نيرو: في انتظارك
علاء: متكملش الا بيك يا لول
زيفاجو: يارب، مش هاشوفك بقى؟
عمرو: الله يسلمك، لا أوحشنا الله منك
اي زي: شششهسبسسسسسسسس، ابقي افتني بعد الحفلة الله يخليكين البنت مخضوضة من غير حاجة
محمود: في انتظار انضمامك للجميزة لو القعدة عجبتك، خللي الشجر يخضر
دعاء: الله يسلمك يا دعاء
Mai Hamdy قال,
مارس 5, 2006 في 10:05 ص
أخيرا يا عمر حدثت البلوج…ولو انه مجرد اعلان بس ماشي
I will be there isa
بس نفسي اسمع ارمي حمولك بصوتك
Emad ... قال,
مارس 5, 2006 في 11:00 ص
حمدالله على السلامة يا فندم
فينك يا عم
تانى بعرف عن قعدات الجميزة و برضة مش هاجى
ما تيجو اسكندرية بقى يا اخى
أبوشنب قال,
مارس 6, 2006 في 3:29 ص
قبلنا دعوتكم الكريمة
نراكم تحت الجميزة
أو جوه الجخنونة
Omar قال,
مارس 6, 2006 في 3:47 ص
مي: حاضر يا ستي، تؤمري
أبوشنب: هتنور، وشكراً على ذوقك
عماد: الله يسلمك، حضر لنا انت قعدة كدة ع البحر، واحنا نجيب الجميز كله ونيجي
مـهـا قال,
مارس 8, 2006 في 1:13 ص
حمدلله علي السلامه يا عمر … كان نفسي احضر قعدة الجميزة بس مع الأسف أنا لسه عارفه النهاردة…
Omar قال,
مارس 8, 2006 في 1:27 ص
سماح: وجودك امبارح كان مهم وجميل، بجد متشكر على كل حاجة، وانتي ع البال يا ستي، وتحت أمرك في أي وقت طبعا
مها: الله يسلمك، ولا يهمك ملحوقة.. بس انتي فينك، مختفية، لعله خير
Aladdin قال,
مارس 8, 2006 في 6:40 ص
ثقتي في فنك لا حدود لها.. آسف على عدم الحضور.. أنت عارف حاسس إنني أصبحت سبارتاكوس المعادي!! حاجة متفرئش كتير عن “فتاة” المعادي!!!
Geronimo قال,
مارس 8, 2006 في 10:50 ص
ياااهـ ياعمر
وحشتنا ياراجل
لا اسكت الله لك حساً
طبعا انا كنت امبارح تحت ضل الجميزة
وشفتك كنت منور الحفلة
كلكوا هايلين وحلوين موت
ورجعتونى لحاجات
وحسستونى بحاجات
رغم الحضور القليل والاهتمام اللى تستحقوا اكتر منه بكتير
كفاية انه كل اللى جم … جم بالحب
لا بالنفاق ولا الفراغ ولا الدعوات المجانية والاستخسار
حمد الله ع السلامة يا بطل
وخلينى ع البال
عشان انا محتاجة اقعد احكي معاك شوية
وخايفة بصراحة اقولك تطلع مش فاضي
واتكبس انا
Geronimo قال,
مارس 11, 2006 في 6:23 ص
عمر بعت لك الاميل اللى فات
اصلا عشان اقولك انى سجلت الحفلة ع الموبايل على كام جزء
هو تسجيل متواضع بالموبايل بس صوته كويس وانا نزلته ع الكمبيوتر
بس معرفتش اعمل اب لووود
انا استغربت لما قريت ردك على اميلي وملقيتش اى شئ بخصوص الفيلم
ولما قريت اميلي استغربت اكتر لانى ملقيتش اى حاجة بخصوصه برضه
الاستغراق في الكتابة ودانى لسكة تانية
شفت توهان اكتر من كده
المهم ابعت لك اليلم ازاى
خاصة اغنية افضي الكلام لوحدها 8 دقايق وزيادة حوالى 10 ميجا
radwa osama قال,
مارس 13, 2006 في 1:52 ص
وحشتنا كثير يا عمر ..بجد والله مفتقدين بلوجك وندمانه انى ما حضرتش الحفله ..واضح انها كانت حلوة ..بس تتعوض ..معلش
Omar قال,
مارس 13, 2006 في 3:15 ص
جيرونيمو هانم: لو الايميل مش نافع والضغط مش نافع ممكن تجربي
ourmedia.org وتبعتيلي اللينك
أشكرك بشدة يا ست الكل
رضوى: لا أبداً مفاتكيش كتير، حتى كان أمشير عامل عمايله يوميها. شكراً على سؤالك ولطفك–>