09.09.06
حد قال يا ليل.. حد قال يا عين
دعوة مفتوحة من فريق جميزة الغنائي لأي صوت يرى في نفسه موهبة الغناء، للانضمام والغناء معنا تحت الجميزة. احنا في مرحلة تطوير مهمة للفريق وبندوّر على أصوات مختلفة ومتميزة، ومش شرط السن أو الجنس أو الخبرة، ولو إن الخبرة مفضلة بالطبع، لكن بالتأكيد الموهبة أهم..
ولمن لا يعلم، فريق جميزة، فريق غنائي مصري عمره حوالي سنة، مهتمين بتيمة الغناء الجماعي، وبنحاول نقف في مكان وسط بين التراث والمعاصرة، عندنا شغلنا الخاص بينا، واللي بنسعى لتطويره وتزويده باستمرار، والموضوع أشبه بورشة كبيرة نتمنى تجمع عقول ومواهب أكثر..
يا ريت تنشروا الدعوة دي بين اصحابكم ومعارفكم، وقريب ان شاء الله هانشر هنا شوية نماذج مسموعة من شغلنا توضح الصورة شوية، وللي مهتم أو حابب يستفسر، يا ريت يتواصل معايا – عمر مصطفى - عبر البريد الالكتروني:
وقريب إن شاء الله فيه حفلات جديدة لجميزة، هابقى اعلن عنها في ميعادها عشان تنورونا ونغني سوا على ما قُسُم.. قشطة؟
salateenoo قال,
سبتمبر 10, 2006 في 11:55 ص
والله لو صوتي حلو مكنتش ترددت لحظة …بس الطيب أحسن بقى ….خللي شوية الناس اللي بيحبوكوا موجودين….بدل ميجيلهم إشرنبلللااااح في الكتاوت ….لمل يسمعوا صوتي
tagreba قال,
سبتمبر 11, 2006 في 7:16 ص
يا سلاطينو انتو ممكن متكونش بتغني، بس بجد بجد انت سمّيع كبير يا عم الحاج
ميويه قال,
مايو 10, 2007 في 5:42 م
بجد انا عاجبني موضعكم و نفسي فعلا اغاني اغاني مختلفه عن الي موجود دلوئتي بس صوتي مش جامد يعني طبائات كويسه و طبئات مش اوي بس لو ممكن ابئي معاكم انا موفئه