إهداء إلى اللول اللي مظبط الموجة

أنا اللي هاعبّي الشريط بصوتي، وحد تاني اللي هيطلع في الكليب عشان الضرايب مش اكتر

call me plz

“كلمني شكراً”

يا حبيبي رصيدي خلص عليك

“كلمني شكراً”

ولو رسالة كدة تحسسني بيك

“كلمني شكراً”

آه ياللي واحشاني عنيك

دي رنة منك

تحيي غرامي ودنيتي

انا قلبي لوجو

وبحر موجُه مينتهيش

وصوتي سايلنت

وروحي من بعدك مفيش

لو شبكة تالتة تقرّب البعد اللي كان

وتهز لي سعر الدقيقة ونبتدي

انت اللي ساع قلبه غرامي من سكات

وانت البتاع وانت اللي ظبطت الحاجات

فاخترت قلبك من بين قلوب كل (الحتت)

أعيش فداه وامشي ف مداه طول سكتي

كلمني شكراً

* للرنات واللوجوهات والحركات اتصل على 0900666 - سعر الدقيقة زي ما يطلع يا غجر

أنا وضلّي وشمس ورايا
وبحر فضل لي بعد السفر
وكون بيتفرج عليّ باخد الأنفاس
بعيدة بعيدة يا مركبة وحيدة
قريب قريب يا ضلي الوحيد
هناك حبيبين..
بيتونسوا بسرقة زمن
وهناك زمن..
بيتسلى بسرقة ناس
وكون بيتفرج عليّ باخد الأنفاس
وعمري سايبه في الهوا
ينشف من الميّا
وروحي تنزل الميّا
ولا تتبل
وانا لوحدي
أنا وضلّي وشمس ورايا
وبحر فضل لي بعد السفر

عمر
اسكندرية 17 نوفمبر 2006

..عندما تداهمك أغنية، مفسرةً أحزانك وأيامك وروحك، فهي بالتأكيد أغنية عظيمة

شعر: صالح جودت
لحن: فريد الأطرش

يا زهرةً في خيالي
راعيتها في فؤادي
جنت عليها الليالي
وأذبلتها الأيادي
وشغلتها العيون
فمات سحر الجفون

يا غرامي كل شيء ضاع مني
فنزعت الحب من قلبي وروحي
ووهبتُ العمر أوتاري ولحني
وتغنيتُ فداويت جروحي
أنا طيرٌ في رُبَى الفن يغني
للطيور
للزهور
للغصون

اسـتــــــــمع

فوتوغرافيا: عمر

حوْشنا آخر ضحكنا

لوقت أصدق

نحتفل فيه بالحياة

حوْشنا آخر ضحكنا

لوقت سافر.. مجاش

متحوْشوش الضحك

الضحك مش ببلاش

عمر

جميل قوي الشاي الاخضر بالبرتقان، وبيبعتني جداً الشاي الاخضر بالياسمين، وبيرضيني الشاي الاخضر بالنعناع، ويا أهلاً بالشاي الاخضر لو لوحده، أهم الشروط إنه يكون جاي من بلده دون أية إضافات؛ ملوخية وخبيزة وخلافه، ويكون من غير سكر.. ويكون أخضرر أكيد.. أحبك يا اخضر

احنا المحتاجين للأبد

نحتاج حاجات.. وتموت

نلاقي احتياج اتولد

 احنا..المحتاجين للأبد

عمر

أنا معرفتش
اضم دراعي على صدري
و اقفّل كل باب أو شرخ في كفوفي
و من خوفي…
فتحت قميصي لعيونهم
واتمليت بالناس

في صباح عادي.. اكتشفت شاعر جميل، لم يعد الصباح عادياً

مدونة خالد عبد القادر

نخب الأشياء الصغيرة

مكــــــان ما كنّا

ساعـــة ما جينا

زادت ظـنــونــنـا

خـُـفـنا وجــــرينا

وأديــنا تـــــاني

مكان ما رُحــنا

بنعزي روحـــنا

فصّلنا م التفاصيل مراية

نشوف ف رؤية

طعم الحكايــــة

نـــدوق ثــواني

ولــــــون بعينه

وفينه ياللي بيني وبينه

مزازيك سماعي

وبدون دواعــــي

نطير شراعـــــي

ونعوم فراشـــــة

لكلام تحاشــــــى

يسكن قلوبـــــــنا

لكـــن آسرنـــــا

مفضلش غيرنا

فوق البسيطــة

بتـفــتـكرنــــــا

حاجات حويطة

فضلت مكاننا

صاحية وكانـّة

مكان ما كُـنــّا

ساعة ما جينا

عمر

20 نوفمبر 2006

مجموعة صور من الحفل الأخير لجميزة في ساقية الصاوي يوم 4 نوفمبر. شكراً من كل الفريق لكل اللي تعب وجه وغنا معانا.. وشكراً لمحمد الشرقاوي على الصور العظيمة

ر ابط للصور

حاجة كدة كتبتها ودندنتها في نفس الوقت بصوتي بس ومن غير مزيكا، افتكر كدة كفاية عليها.. وعليّ

:-) 

آخر كلام