11.28.06

ضل وحيد

نشرت تحت تصنيف تصاوير, موزونٌ مُقـــفـّى في 11:24 م بواسطة tagreba

 

أنا وضلّي وشمس ورايا
وبحر فضل لي بعد السفر
وكون بيتفرج عليّ باخد الأنفاس
بعيدة بعيدة يا مركبة وحيدة
قريب قريب يا ضلي الوحيد
هناك حبيبين..
بيتونسوا بسرقة زمن
وهناك زمن..
بيتسلى بسرقة ناس
وكون بيتفرج عليّ باخد الأنفاس
وعمري سايبه في الهوا
ينشف من الميّا
وروحي تنزل الميّا
ولا تتبل
وانا لوحدي
أنا وضلّي وشمس ورايا
وبحر فضل لي بعد السفر

 

عمر
اسكندرية 17 نوفمبر 2006

4 تعليق »

  1. كبير المتشردين قال,

    نوفمبر 29, 2006 في 1:47 ص

    نفسي احس الاحساس ده كل لحظة يا بخت اهل اسكندرية بيها ويا بختي اني ابقا اول واحد ارد عليك

  2. rony قال,

    نوفمبر 29, 2006 في 11:59 ص

    الصوره….تحفه بجد
    والكلام …رائع والله
    والغريب بقى ان الواحد مش عارف هو ايه اللى عاجبه بالظبط فى الكلام او الصوره…[س فيهم حاجه تشد

  3. tagreba قال,

    نوفمبر 29, 2006 في 2:32 م

    الكبير: تسلم يا عمنا
    روني: أشكرك.. أهلاً بيكي

  4. Dananeer قال,

    نوفمبر 29, 2006 في 7:23 م

    الصوره فعلا حلوه اوى

    وبحر فضلى بع السفر
    بجد و حشتنى اسنكدريه و الشمس و هى نازله فى البحر
    و برد بالليل و الموج بيضرب جامد
    و انت لابس كل حاجه و متكتك

أترك تعليقا