12.03.06
نصبوا الشرَك صادوني
كانت المرة الأولى اللي أسمع فيها موسيقى الجعافرة بشكل حي، وسمعت قد إيه الفرق بين أسلوبهم في الغنا، وبين أسلوب محمد منير مثلاً لما غنى أغنية مهمة من التراث الجعفري وهي “نعناع الجنينة”، فرق كبير جداً لصالح الجعافرة في رأيي المتواضع، وعموماً مش هو ده الموضوع.
في “مكان” حضرنا حفلة لسيد ركابي وفرقته، و“سيد ركابي” من حفظة التراث الجعفري الباقيين، وكان العرض من أقوى العروض الحية اللي حضرتها في حياتي. رغم بساطة المزيكا (عود وكوَلة وإيقاعات وأصوات فقط)، إلا إن ثراء الروح بالأساس، وتنوع الإيقاعات والمقامات (سباعية وخماسية) وتنوع مواضيع الأغاني من حب وغرام إلى أغاني ذات طابع ديني وأخرى في شكوى الدنيا وغيرها، كل ده كوّن بالنهاية عرض ثري جداً لفرقة بتقدم جزء جميل من تراثنا الموسيقي المصري..
أنصحكم تروحوا تشوفوهم في مكان، وتشتروا الألبوم بتاعهم دعماً ليهم ولـ “مكان”، اللي بيقوم فيه د. أحمد المغربي بمجهود غير عادي عشان يقدم التراث الموسيقي المصري في شكل يليق بهذا التراث الضخم، ويكون قريب مننا نحن سكان المدينة المحاصرة، فك الله أسرها، آمين..
عوليس قال,
ديسمبر 3, 2006 في 7:05 م
اكسب فيا ثواب وقولى البوماتهم بتيجى منين بالظبط
tagreba قال,
ديسمبر 3, 2006 في 9:54 م
بيتباع في “مكان” اللي اللينك بتاع موقعه موجود في الموضوع
الديب قال,
يوليو 18, 2007 في 1:11 م
السلام عليكم و رجمة الله و بركاتة
انا من عشاق الاغنية بتاعت التراث و الحقيقة انا بشكر اللى عاميلين بهذا الموقع الممتاز حقيقة
بس انا كان عندى حاجة كدا
بالنسبة للاغنية مش راضية تنزيل لية
ياريت الرد من العاميلين بهذا الموقع ع الايميل
دعاء صادق قال,
أكتوبر 30, 2007 في 3:10 م
مشكورررررررررررررررررررررررررررررررررررر
مصطفي سعيد سيد قال,
مارس 15, 2008 في 10:12 م
مطرب محترم واغانيه كويسه جدا….ياريت جميع اغانيه