12.28.06
لون المشمش المدهش وتكنولوجيا البقع
يمكن لإنه مكانش فيه
أنا تهت فيه
وبقيت في غاية لاندهاش
ولا لون ثبت
ولا قلب باش
ولا حب كان يغسل أكثر بياضاً
أو خضاراً أو صفاراً
أو لون مشمشي هادي
هتلاقي بقعة لطيفة
عادي
بقع الحياة ماكياج
يا صوف الأضرحة المبلول
غَسول عنيّا لونه اخضر سندسي
داريني وانا بابكي يا عيني واحرسي
خللي اللي شافوا يقولوا
ما شوفناش
بعد العياط
ألعب في حوش الانبساط
والراحة
واشوف كويس قوي
كأي عيّل ع المعاش
وابقى في غاية لاندهاش
28 ديسمبر 2006
لستُ أدرى said,
December 28, 2006 at 10:59 am
بعد العياط
ألعب في حوش الانبساط
والراحة
واشوف كويس قوي
كأي عيّل ع المعاش
وابقى في غاية لاندهاش
عمر
انا اللى فى غاية الانبساط والاندهاش
على حد سواء
tagreba said,
December 28, 2006 at 5:52 pm
وانا في غاية الممنونية يا لستُ أدري هانم
Aladdin said,
December 28, 2006 at 6:02 pm
دا ايه بقى دا ايه بقى دا!! أؤيد لست يا عمّور التجارب!
بقع الحياة مكياج؟! دا على كده احنا وشنا متلحوس ع الآخر!!!
(هامش لابد منه) يابني أنشر بقى الله لا يسيئك بقى! (سمايلي غاضبة جداً)
tagreba said,
December 28, 2006 at 11:41 pm
هههههههه طب متشخطش، ربنا يسهل، اوعدك اني هادرس كل عروض النشر العالمية اللي جايالي واختار منها في غضون فترة ما.. حلوة غضون دي؟
شيماء زاهر said,
December 29, 2006 at 8:09 pm
إزيك يا عمر…
كل سنة وإنت طيب..
بس يا عمر علاء عنده حق! ويا عم تنازل شوية، مش لازم يعني النشر في إنجلترا وفرنسا وكده. بلدك برضوا أولى، مش كده وألا إيه؟!
محمد علاء الدين said,
December 31, 2006 at 4:37 am
انا في غاية الاندهاش، برضه، بس برضه مش في غاية الاندهاش، لأنك يا ميرو مش غريب عليك تكون مدهش كده
tagreba said,
December 31, 2006 at 1:08 pm
شيماء: كدة وابو كدة طبعاً
لول:يعلي مراتبك واشوفك وزير الزراعة كدة قادر يا كريم
شوق الياسمين said,
January 3, 2007 at 12:32 am
مش بطالة يا عمر
tagreba said,
January 3, 2007 at 2:59 am
طب مش كتير عليّ كدة؟! شكراً يا ستي