03.07.07
سيداتي آنساتي سادتي
احم آلو آلو.. ادعوكم جميعاً سيداتي آنساتي سادتي للاستماع غداً الخميس إن شاء الله إلى حلقة جديدة من البرنامج الجديد الذي أعده وأقدمه “شعر ومَغنى” على راديو مصر اليوم، حيث أستضيف الشيخ “زين محمود” المداح والمنشد القدير وعضو فريق الورشة المسرحي، وسيكون هذا على الهواء مباشرة الساعة 11 ص، ويمكنكم المشاركة تليفونياً في الحوار من خلال رقم التليفون الموجود على موقع الراديو والذي سأنوه عنه خلال الحلقة إن شاء الله، وربنا يستر ومنجيلكوش في راديون
علاء الدين قال,
مارس 8, 2007 في 12:43 ص
إن شاء الله هايستر! ماتجيلناش في راديون؟! لأ يا عم عايزينك تجيلنا كل يوم في راديون و”وابيون” و”تيلي فازيون” و”دي في داديون” و”آي بوديون” ومين عالم يمكن تجيلنا في “أوديون” كمان!! هههههه
tagreba قال,
مارس 8, 2007 في 12:52 ص
ليه كدة يا لول، ده انا باحبك.. ماشي يا عم
سمل ود الولياب قال,
مارس 8, 2007 في 1:32 ص
الموضوع أكثر من رائع
سامية قال,
مارس 8, 2007 في 2:59 م
بقى ده اسمه كلام!! 11 الصبح يا مفتري! طب مش كنت تقول من بدري شوية عشان الواحد يلحق يضبط اليوم! أنا لسه شايفة البلوج دلوقتي
طيب الحلقات دي مش بتتسجل؟ ده انا باحب الشيخ زين قوي!
ماشي يا عمر!
لو ماكنتش متغاظة منك كنت قلتلك ان الصورة اللي انت اختارتها للبوست دي مسخرة جداً! اختيار عبقري! :-]
بس انا متغاظة منك برضه!
طيب لو سمحت فهمني بقى، البرنامج ده حيكون كل يوم خميس الساعة 11؟
tagreba قال,
مارس 8, 2007 في 3:50 م
هههههه معلش يا سامية هانم، حقك عليّ، انا كمان متكدر بسبب المعاد ده، بس اهو مبدئياً، محتاج 7 سنين خبرة مثلاَ عشان ابتدي انقي المواعيد اللي تناسبني، فهو ده المعاد المتاح حالياً إلى أن يقضي الله أمراً كان مفعولا
وانا مفتكرتش اكتب في المدونة غير امبارح بالليل، وعموماً يا ستي هابقى اجيبلك تسجيل الحلقة عشان تعرفي انه مفاتكيش كتير (عدا غنا الشيخ زين طبعاً)
أما بخصوص الصورة، فهي فعلاً مسخرة، وكله في سبيل الراديون يهون
سلمى قال,
مارس 9, 2007 في 10:07 م
اولا كان نفسي اسمع البرنامج بس مقرتش البوست غير النهاردة
ياللا تتعوض اكيد
بس فعلا فعلا ليه شلت التعلقيات من البوست الاخير بتاعك
ده اكتر من رائع
فعلا فعلا محتاجة للانت كتبته - وقته بظبط
اغتسال من كل مافات ومضا وسوف ياتي
كل الشكر ليك برائحة اللافندر
tagreba قال,
مارس 10, 2007 في 12:02 ص
عفواً يا سلمى برائحة الياسمين