03.18.07

وِش الصُبح

نشرت تحت تصنيف تصاوير في 2:08 م بواسطة tagreba

 

فوتوغرافيا: عمر - المنزلة - ابريل 2006

17 تعليق »

  1. نبيــــــذ قال,

    مارس 18, 2007 في 2:51 م

    الاختيار للاسم مع عيون ا لطفل أكتر من رائع

  2. حسام فخر قال,

    مارس 18, 2007 في 11:59 م

    يا عمر
    أولاً أشكرك على زيارة رفع الروح المعنوية. تعليقاتك جميلة زي كل حاجة بتعملها.
    ثانياً أوافق تماماً على تعليق نبيذ
    ثالثاً النهارده أخدت الكاميرا ورحت سنترال بارك “أحب مكان الى قلبي في نيويورك” عشان آخد شوية صور بعد العاصفة التلجية اللي ردمتنا. المكان كان جميل ويشجع على التصوير. طلعت البطارية فاضية ومانابني إلا إني اتجمدت من غير ولا صورة!! مش متأكد إني موافق على كلمة صديق العمر بهاء جاهين “صدقني أنا أحسن وانا سرحان”. مش دايماًً!!
    رابعاً وأخيراًً عندي تمثال شبه توأمك الخشبي وان شاء الله في يوم من الأيام حاوريهولك أو على الأقل أوريك صورته.
    تحياتي

  3. tagreba قال,

    مارس 19, 2007 في 12:24 ص

    نبيذ هانم: باتفائل لما بتعلقي اول حد، شكراً يا عزيزتي :-)

  4. tagreba قال,

    مارس 19, 2007 في 12:29 ص

    يا حسام
    متشكرنيش يا راجل، انا مش بس اتأخرت، انا كمان ساعات باقصر في اشياء قد كدة هي جميلة، انا استمتعت فعلا

    المرة الجاية تشحن البطاريات، فرّجنا على نيويورك بعنيك، ووريني كمان تمثالك الخشب قريب

    بخصوص كلمة بهاء جاهين، فالموضوع معتمد بالطبع على مفهومك عن السَرَحان، هو صحيح مش دايماً، لكن انا حاسس انه بشوية (سَرَحان) حسب مفهومي عنه، ممكن الامور تبقى افضل كتير.. اوقات جميلة :-)

  5. حَمُكْشَة قال,

    مارس 19, 2007 في 11:56 ص

    مش عارف ليه الصورة مدّية على وش الضهر أكتر! :)

    ما قريتش قصيدة بهاء جاهين، بس من السطرين المقتبسين ف التدوينة اللي قبل دي، فهمت منها إنها عكس حاجة مزعجة جدا ومعطلة جدا، ألا وهي ما يسميه أهل الإنجليزية بال self-consciousness، وقانا الله وإياكم شرّه وسخافته. الواحد فعلا أحسن وهو سرحان، بالمعنى دا. والمعنى في بطن الأستاذ بهاء.

  6. tagreba قال,

    مارس 19, 2007 في 12:33 م

    وش الضهر؟! لا حرمني الله من إضافاتك القيمة يا حمكشة بيه، معلش، الحساب يجمع.. اشوفك بس :-)

  7. خجل قال,

    مارس 21, 2007 في 3:05 م

    هيا الصوره حلوه بس معلش يعني
    فين الصبح (وش الصبح)

    يا سيدي دي مش بتعبر خالص عن اي صبح
    دا العصر حاجه شبه كدا
    والواد كمان لو كان لسا صاحي كان زمان شعره نايم شويه من اثر السرير

    م الاخر دا مش صبح

  8. tagreba قال,

    مارس 21, 2007 في 3:11 م

    يا ستي اعتبريه فرق توقيت، لكن انا اؤكد لك اننا كنا الصبح، والولد كان نايم في مركب مش في سرير تقليدي عشان هو ابن صيادين والمركب مفيهوش تسريحة، نورتي

  9. علاء الدين قال,

    مارس 21, 2007 في 4:57 م

    يا جماعة والله وش العصر والا وش الظهر! أنا بقى شايف إنها اتصورت في الضحى يعني تقريباً كدا الساعة 9 أو 10 صباحاً أصل يا عمور وش الصبح دي يعني الشروق يعني تقريباً الساعة 6 أو 7 بالكتير!!

    جميل يا أبو التجارب رؤيتك “للجمال” في وجوه الغلابة وأولادهم! ممكن تقول إن “جمالهم” - اللي كتير مش قادر أو مش عايز يشوفه - “صابح” من غير رتوش ولا “إضافات”…

  10. tagreba قال,

    مارس 21, 2007 في 6:34 م

    ههههههه يا جماعة متفلسفوش الأمور قوي كدة، الموضوع ابسط.. تخمينك مظبوط يا لول اهو انت فاهمني كدة

  11. salma قال,

    مارس 22, 2007 في 12:37 م

    عمر مبروك الشكل الجديد للبلوج
    وبجد عدستك بنقاء صباح متألق

  12. نبيــــــذ قال,

    مارس 22, 2007 في 1:18 م

    الشكل الجديد حلو يا عمر لكن اسود
    :\
    مش لايق عليك الأسود
    موضوعاتك وكتاباتك فيها حيويه عن اللون ده

  13. tagreba قال,

    مارس 22, 2007 في 4:25 م

    سلمى: الله يبارك فيكي، كلك ذوق يا نوّارة

    نبيذ: الاسود جميل ومش بالضرورة يكون مدعاة للكآبة أو الحزن، بالعكس باشوفه لون له صفا وخصوصية، خللينا نجرب، مش هي تجربة؟ :-)

  14. نبيــــــذ قال,

    مارس 23, 2007 في 12:16 ص

    لا مش تجربه
    وخدو الأمر بالشورى بينكم
    وبعدين نعمل تصويت
    اه عايزين تصويت

  15. tagreba قال,

    مارس 23, 2007 في 9:58 ص

    هههههههه ده الموضوع كبير بقى، عموماً ما دام فيها تصويت، يبقى الاسود انسب للتصويت مفيش كلام، وبعدين ده انتي شخصياً مدونتك خلفيتها اسود، سبحان الله :-)

  16. Egygirl قال,

    مارس 24, 2007 في 11:09 م

    وش زى دة بيدينى أمل فى زمن معدش فى اى حاجة تدى أمل فى أى حاجة تانية
    شكرا على الصورة

  17. tagreba قال,

    مارس 24, 2007 في 11:37 م

    وشكراً على الأمل

أترك تعليقا