05.01.07
لا أحد ينام في اسكندرية
لا أحد ينام في اسكندرية
دينوكراتيس وترام تمانية
سيدي كُريّم والنديم وسيدي سيد ابو الدراويش
مجد وزهرة ورشدي وكاميليا
حدّش قرا التاريخين والصفحة هيّ هيّ
مدد يا مرسي يا ابو الدرداء يا بوصيري
يا ست صفيّة
سيدي ابراهيم كشّاف فنان
بإيده المدينة خللى المخبي يبان
لا هرب من الجمرك ولا سرق عنب م الغيط
بيصوم في مينا البصل ويزكّي ف زيزينيا
عاشق جلوس الرمل خطيب المنشية
سبّاح فلايكي يا ترعة المحمودية
داخل من الباب عُمر صوفي في الحضرة
لابس ملابس فؤاد حداد في راس سدرة
سند كتافه على العمود والعمود ده رخام
يا سلام لو حبة مُزز بحري على أروام
راغب في شرب البولكى في بوالينو وباكوس
يقول النكتة في الأزاريطة تضحك لها فاروس
عُشبجي في العطارة والعطارين أحوال
ماشي في مكس الطريق ولا النبي دانيال
كرموز وراس التين وستانلي وجليمو
محرم والبياصة.. الأنفوشي عارفينو
هو المغني ديميس والمخرجاتي جو
حكى بريشة وانلي الشراغيش حبّوه
لا أحد ينام في اسكندرية
دينوكراتيس وترام تمانية
سيدي كُريّم والنديم وسيدي سيد ابو الدراويش
مجد وزهرة ورشدي وكاميليا
اهداءاً لإبراهيم عبد المجيد
علاء الدين قال,
مايو 2, 2007 في 6:11 م
“أبو” الوز عوّام؟! اه يمكن!!!
منار قال,
مايو 3, 2007 في 2:45 ص
حبة مُزز بحري على أروام..حقيقى مش وصلانى ممكن توضح اكتر ..بس حقيقى روعة ..كلامتك تاخدنا الى زمن بعيد فى اسكندرية نسمعه من الاحاديث المسنه الاسكندرانيه ..كل اماكن اسكندرية القديمة مذكورة..والله عليك
tagreba قال,
مايو 3, 2007 في 12:38 م
لول: شفت بقى تواصل الأجيال؟
منار: بخصوص المزز هو موضوع يطول شرحه، وعموماً هو مش انا اللي كاتب ده، ده والدي، وشكراً على اي حال
منار قال,
مايو 7, 2007 في 2:39 ص
شكر خاص للوالد..ومتهياًلى وضحت الصورة عندى..على فكرة انا كنت بعمل بحث على النت للهندسة الصوتية ..ولكنى وجدت بدلاً منها وريقاتك ووريقات اصدقائك ..اعجبتنى كثيرا والصور رائعة وصوت جميل على العود..جروب جميل بصراحة واتمنى ان اكون معكم ..بس انا مليش وريقات منفصلة مثلك ولكن عندى صفحة فى الياهوو360. اعذرنى الكلمات اعجبتنى كثيراً .فاقتبست منك مقال اسكندرية فى صفحتى مع الاحتفاظ باسمك انت والاهداء الخاص بيها..اذا كان هذا يضايقك ..ممكن احذفة..
واتمنى ان تزونى فيها على الاميل
mano_830@yahoo.com..
ودمت طيب .