قالب شيكولاتة اشتريته لمحبوبك قبل قليل، واكتشفت ان صلاحيته قد أوشكت جداً على الانتهاء.. مبروك: إنها نبوءات الشيكولاتة وتجليات الصلاحية، فلتشكر البائع الملهَم على انتظارك كل هذا الوقت، ولتنظر بعين من قد فهم الرسالة

شكلك عازف ربابـة
ضاعت منه الربابـة
تايه بين ميت إجابة
ومعذبـك الســــؤال

شكلك حاسس بحاجة
بين التيه واللـــجاجة
أو معلول باعوجـاجة
في فهم الاحــــتـمال

شكلك عمّال تفكر
في أقل ولا اكـــتر
هو مزاجك معـــكر
ولا انت بألف حال

عينك مش باينة منك
وأكيد ده مـــش أدب
ومكان القلــب وَسَعة
ولا قـلــة خــــشـب؟؟

أهلاً يا زميل

أخينا ده لقيته امبارح في محل انتيكات افريقي فجبتهولي هدية، ويخلق من الشبه أربعين*

الصورة أعلاه وباقي الصور من تصاويري.. خدتها ف لحظة.. ولا بلاش **

ولا موتي ولا موتك

ولا شيء يستدعي الأحزان

قد الموت الصاحي

والورد السكران

أشوفك ف حلم

اتوجـع

أخاف انام تاني

!

حوْشنا آخر ضحكنا

لوقت أصدق

نحتفل فيه بالحياة

حوْشنا آخر ضحكنا

لوقت سافر.. مجاش

متحوْشوش الضحك

الضحك مش ببلاش

عمر

احنا المحتاجين للأبد

نحتاج حاجات.. وتموت

نلاقي احتياج اتولد

 احنا..المحتاجين للأبد

عمر

شعور يوجع انك تقول لحد جمييل قوي، اول مرة تشوفه: صباح الخير، وتبقى عارف ان دي آخر مرة هتشوفه أو تقول له: صباح الخير، حتى لو كان الحد ده ياسمينة فوق سطوح بيتكو……. هههههههههه كل ده ياسمين قلت له صباح الخير ومشفتهوش تاني، صباح الخير يا ياسمينة

فوتوغرافيا: عمر

بعد أن أرسلها إلى خطيبته عبر رسالة قصيرة، نفحني العزيز إياد بهذه العبارة التي زارته فجأة وسكنتني على الفور

الذي يجدُ حقيقةً ولا يمسكها كالذي أدناه منه اللهُ فآثرَ البُعد

عزائي الوحيد أنك لم تعرف من أنا حتى افترقنا.. وذنبي الوحيد أنني قد عرفت من أنت .. ولم أفارقك!!

ليه اللقا صعب؟

عشان الفراق أصعب