11.24.05

خايف؟؟

نشرت تحت تصنيف النجمة ام ديل, موزونٌ مُقـــفـّى في 2:44 ص بواسطة tagreba

 

 

الخوف
ماهوش كائن خرافي بأجنحة
مستني فوق ضهر الدولاب
علشان ف لحظة يخضنا
الخوف مرض
سرطان بيكبر فوق مراكز حسّنا
الخوف سراب
بس احنا صحرا كبيرة ليه

11.17.05

وبعدها وِسْعة

نشرت تحت تصنيف النجمة ام ديل في 1:39 ص بواسطة tagreba

 

للوحدة في الحزن ريحة موت
ضلمة بيوت .. من غير شبابيك
غربة بيبان .. من غير بيوت
بس صحرا
لا فسرت همك
ولا عندها القدرة
تساع وجعك الطازة
وأجزائك الفتافيت

 

عمر

11.10.05

شروق مختلف

نشرت تحت تصنيف النجمة ام ديل في 7:48 ص بواسطة tagreba

يا طالعة ف الأفأفة
و ع الدفا ناوية
لو اشق لك قلبي
تنوريه شوية

شالي - سيوة - فجر 4 نوفمبر

04.10.05

alt+shift+delete!!

نشرت تحت تصنيف النجمة ام ديل, موزونٌ مُقـــفـّى في 10:43 ص بواسطة tagreba

Photo by Omar Mostafa

في لحظة وقوعه من الاوتوبيس
اللي هانه وجري
اتمرمغت كل حكاياته على الأسفلت
واتشعلقت فيه عيون الخلق
بسؤال عبيط
هتعمل ايه دلوقت
حاول يقوم من تحت صخرة وقت
وكإنه عادي
لكنه مقدرشي
وقع تاني
وقع بجد المرّة دي
وقع المرّة دي بجد
عمر

Next entries »