January 18, 2005

مش باعنيه بالضرورة

Posted in موزونٌ مُقـــفـّى at 10:34 am by عمر مصطفى

مش باعنيه بالضرورة

أوتوبيس رهيب
وشارع مستحيل يفهم
اننا ماشيين

في الإشارة
مينفعش تغمضي عنيكي
لكن إيديكي
ممكن تشاور للجنون
“استنى”
وانتي وحظك
———————

نفس الطريق ذاته
ذات الطريق نفسه
اتنفسوا وماتوا
ما تنفسوش
واصلوا
زحمتنا يا خايفة
بردانة مش دافية
ومشاعرك الحافية
تكفيكي لو حسوا
————————–

هناك في المكان الفاضي دايماً
أيوة
جواكي
هناك..
سر الوصول للبحر
والسفر في النور
معذور جنونك
لو فضل معذور
لو مش بعيدة
كنت قلت
“أنا”!!
——————————

حوّرتي
تمّحورتي
حاولتي
دوّرتي
وما لقيتيكيش
وإيه يعني
على الأقل كنتي هناك
أحييكي
——————————-

حاجة بجد مهمة
أهم من بكرة
ومن ذكرى
ومن شبابيك

أهم من تصاويرنا
واحنا صغيرين
ومن المرتب في آخر الشهر
أهم حتى من بوفيه الفرح
الفرح؟!
يمكن يكون هوه
—————————–

المترو العبيط هربان
من محطة لمحطة
ومحدش فينا رابط
أى حزام للأمان

سرحان ..غريب.. مهموم
الوش غلبه النوم
ولا دي أحزانه
نازل المحطة اللي جاية
مش هاشوفك تاني في الغالب
لكن عموماً
فيه منك كتير
ومني كمان
——————————

صندوق بريدي
شارع
رقم بيتي
تليفون وفاكس
وإيميل
ابقى كلمني في العيد
وقوللي ازيك
وكدة وبتاع
————————–

مش مقصود الشعر ده
ولا بالضرورة اعنيه
لو هتلاقيه عاجبك
يبقى انا اللي ساقيه
ولو محبيتهوش
أهو يبقى مش مقصود
—————————-

كل النظريات التانية
غير النظريات اياها

أربع شخصيات للورد
اتناشر مفهوم للقيمة
الحلم.. له 6 زوايا
والإنسان فكرة قديمة
حاجة عظيمة
آه.. لو نتأمل حبة
————————-

أنا سعتي شوية لترات
في البرد باكش
في الحر باشُر
روحي مسافرة
وف قلبي شوية صمامات
تفتكر أنا مين؟!

17 يناير 05
في المترو (شخصياً وفي المحطة ذات نفسها)

4 Comments »

  1. يا ريت في وسط “توهة” المدونات ورحلة سريعة على النت سرعة “المترو” لا بد أن نقرأ إنتاجك (كاملا) يا عمر باشا!

    في انتظار المزيد وأرى أن تعمل “upload” لملف أو اثنين من موسيقاك الموحية

    وعموما لا تخف من (اقتباسي) منك لأسباب عاطفية جدا!!!!!!

  2. يا ريت في وسط “توهة” المدونات ورحلة سريعة على النت سرعة “المترو” لا بد أن نقرأ إنتاجك (كاملا) يا عمر باشا!

    في انتظار المزيد وأرى أن تعمل “upload” لملف أو اثنين من موسيقاك الموحية

    وعموما لا تخف من (اقتباسي) منك لأسباب عاطفية جدا!!!!!!

  3. Anonymous said,

    This post has been removed by a blog administrator.

  4. Anonymous said,

    This post has been removed by a blog administrator.–>


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: