April 10, 2005

alt+shift+delete!!

Posted in موزونٌ مُقـــفـّى, النجمة ام ديل at 10:43 am by عمر مصطفى

Photo by Omar Mostafa

في لحظة وقوعه من الاوتوبيس
اللي هانه وجري
اتمرمغت كل حكاياته على الأسفلت
واتشعلقت فيه عيون الخلق
بسؤال عبيط
هتعمل ايه دلوقت
حاول يقوم من تحت صخرة وقت
وكإنه عادي
لكنه مقدرشي
وقع تاني
وقع بجد المرّة دي
وقع المرّة دي بجد
عمر

10 Comments »

  1. Omar said,

    أولاً مش انا اللي وقعت من الأوتوبيس يا روّش، ولو انها مش بعيدة على ربنا، تعرف إنه عندي الهاجس ده بجد؟ ربنا يستر علينا، وعلى حكاياتنا من المرمغة قدام الخلق على الأسفلت

    التغيير اللي انت اقترحته أجمل فعلاً، النهاية كدة (أوقع)، ومناسبة أكتر، والمسألة مش فهم للشعر ولا غيره يا عم، ده مش جبر وحساب، المسألة إحساس وانت حسيتها أفضل منّي.. ابقى فكّرني اديك نسبة من الحكايات

  2. Ghada said,

    آه ..قلبي !
    ده مش شعر ..ده رصاص
    بالراحة علينا شوية يا عم عمر. بالمناسبة .. الصورة تحفة.
    “آه لو نتأمل حبة”

  3. Anonymous said,

    دعــــاء… (باكتب اسمي فوق لأني باكره Anonymous دي، ادعوا لي أسجل نفسي قريب)المهم…

    ميرسي جدا ع الاشتغالة.. ده ف الأول
    أما في الأول اللي قبل الأول.. يعجبني فيك إن الحاجة مش بتعدي عليك وارمي… لا لا لا لا وهو ده سر معاناتي.. وأولاً برضه، دايما باشوف في شعرك وجواك المصري قبل التعديلات الجينية

    استمر يا بني في اتحافنا وخبطنا
    والله يسامحك

  4. محمد هشام عبيه said,

    جامدة ياواد ياعمر..تعرف أن الشعور ده بيحصل لي كتير ..أنا طبعا مش بفهم في الشعر بس مش عارف ليه تخيلت أن الشطر الأخير
    لكنه مقدرشي
    وقع تاني
    وقع بجد المرّة دي
    كان ممكن ينكتب كده
    لكنه مقدرشي
    وقع تاني
    وقع المرة دي بجد
    “للمرة التانية أنا لا أفهم في الشعر إلا معانيه و لا أفهم موسيقاه و أوزانه وأكيد اللي أنت كاتبه هو الصح في الوزن..بس أنا بقول اللي جه في بالي .ومتزقش كده ..
    وأوعى تقع من الأتوبيس تاني ..
    اتفق مع غادة في أن الصورة عبقرية

  5. Anonymous said,

    لو بين الزحام تاهت خطوتك
    وبين الاحزان تاهت دمعتك
    ولما تبغي تلقى نفسك بوحدتك
    ساعتها يبقى لابد من
    alt+shift+delete
    عن جد يخرب بيت شعرك يا عمر
    نور

  6. Anonymous said,

    سوري كان بدي أقول
    وبين الاحزان احتارت دمعتك
    تصحيح
    نور

  7. Anonymous said,

    أخيرا يا عمر حدثت البلوج! كل يوم بافتح أدور وكنت حابعت أسألك ايه الحكاية

    القصيدة جامدة أوي و في وقتها

    مي حمدي

  8. Omar said,

    يا ستّي متدقيش، أهي كلها دموع ووجع قلب!!.. عموماً تسلمي يا ستّي، وبتنوريني يا نور

  9. انت ابن ستين ف سبعين كل ما بقرالك بكتشف قد ايه البني آدم لازم يسيب الكتابة و يروح يبيع بطاطا🙂
    ربنا معاك يا بني

    علاء

  10. خالد المحارب said,

    احييك ؟؟؟؟؟؟؟؟من كل قلبي اذا كنت اللى فى بالي

    كلام جميل جداااااااااااااااااااااااااااااااااااااااااااااااااااااااااااااااااااااااا


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: