April 13, 2005

يا سلااام، بتوحشني

Posted in موزونٌ مُقـــفـّى at 9:09 am by عمر مصطفى

me in Tunis Village Fayoum, 2003, photo by M. Sharqawy

مهداة إلى روح الهَوَى المهجور

باحب اغيب
واسيب مكاني غريب
وتترسم علامة تعجب ساهية
على وشك
وانت اللي لامحني
بطرف عين حسّك
وانا
مستخبي جوة سحارة
وباضحك في سري
شطـّّور بنضارة
أنا
مش هنا
أنا مش هناك
لكن خيالي معاك
وانت اللي في خيالي
تضحكلي لما اظهر
ينطق لسان حالي
وانت اللي ترقيني
تحاوطني بالبركات
تكتب على جبيني
“كان أصله غاوي سكات
كان غاوي يتمرجح”
وادعيلي لجل افرح
في سكة الواحة
أقطفلي تفاحة
من جوة بطن الجبل
يادي الهبل
ده احنا بنتساهر
أتاريني مش قادر
أكتم في أمنية
إني ابقى وحديّة
نوحش في بعضينا
ونسلـّي بينا الزمن
“كان أصله غاوي التمن
يبقى من روحه
يبقى من الأيام
عمر
استمع إلى “وحدن”.. الست فيروز

8 Comments »

  1. بطل بقي كتابة حلوة يا عم! الله! 🙂

  2. Omar said,

    طب يا أخي متزقش، الله!!

  3. maha said,

    جمالها يكمن في بساطة أحرفها

    ****************
    أنا
    مش هنا
    أنا مش هناك
    لكن خيالي معاك
    و انت اللي في خيالي
    تضحكلي لما اظهر
    *****************

    رائــعــة

    =)

  4. Anonymous said,

    حلوة أوي يا عمر

    مي حمدي

  5. نفسي ربنا يديني طولة العمر واسمع عبارة “مع الباعة في الأسواق ديوان الشاعر عمر مصطفى”

    انت تستحق ذلك بجدارة يا عمر بس لاحظت حاجة صغيرة بس مهمة وهي أن قصائدك الأخيرة أقل “موسيقية” من قصائدك الأولى – عسى ما شر – (على رأي أخواننا في الخليج؟!!)

  6. Amira said,

    يا سي “عمر” غيب ياسيدي براحتك،
    بس المهم تعود، وتجمعنا زي ما عودتنا دايماً،
    ترجع وانت حاضن عودك،
    وصوتك عالي بأحلى كلام شايل أحلى أمل وأعذب شجن…

  7. الله الله؟

  8. خالد المحارب said,

    احييك انت وكل اللى معاك
    مي حمدي
    اميرة
    ابو فروة


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: