June 1, 2005

عابر سبيل

Posted in حياتي at 3:01 am by عمر مصطفى

اليوم عبرت محطتي الثالثة والعشرين. أرتاح هنا قليلاً، بينكم. يا أهل الدار.. عابر سبيل أنا، شربة ماء، كلمة، ابتسامة، قصيدة، عَلـَم، امنحوني اسمي مجدداً وباركوه، اغسلوني بالماء والبَرَد، وزودوني قوتاً غير معلب، تقتات عليه روحي في الأيام التي قد تأتي..

غداً أستأنف، غداً أرحل مجدداً نحو الرحيل الكبير. لا أخفيكم سراً، لا زلت لا أملك إخفاء ابتسامتي عندما تشرق الشمس أمام عينىّ، عندما يغني الرفاق من قلوبهم، وعندما …

كما أن لي قلباً رغم أنه قد قسى وتبلد، إلا أنه يضعف ويرتجف لا يزال في لحظات هي مباركة

ولا أخفيكم سراً، لا زلت أحن إلى النور، رغم شوقي أحياناً لظلمة تفهمني، ظلمة خارج القلب لا داخله، تعزلني وتواسيني. إلا إني كائن يحترم النهار بكل ما فيه، ورغم عشقي لليل، فإني لم أعد أثق به إطلاقاً، فطالما وعدني وخلف، وائتمنته فخان، لكني أيضاً لا أملك شيئاً أمام من يبتسمون في وجهي، اعتبروني ساذج لكنها الحقيقة.

غداً تسرع خطاى الملهوفة المرهقة رغم كسلي، أصالح مجدداً أوتاري وأوراقي وقلمي، أهديهم أملاً جديداً، ووعداً بعدم الهجر والفرقة، يصدقونني في كل مرة وأصدق أنا أيضاً. الحمد لله على نعمة النسيان.

ربما قد مللت من أخطائي وسخافاتي المكررة، وربما قد سخطت عليها وعلىّ، ربما أتعبتني المسافات، والوجوه (الفايبر لتعيش أكثر وأكثر)، والأيام النكرات، والساعات المبهمة. لكنها الوجوه الطيبة، موجودة تخبرني بأن ثمة ما ومن يستحق البقاء والعناء في عالمنا المخبول البائس هذا.

تحملوني يا ناس وسامحوني فإني قد سامحتكم، واغفر لي وسامحني يارب. قني والناس شرور نفوسنا والهمنا الصبر والرؤية على قدر ما نتحمل يارب. أسألك الخير والعافية لنفسي ولوالدىّ ولكل قلب هو في رحمتك التي وسعت كل قلب. آمين

 

عمر

22 Comments »

  1. أحمد said,

    شوف مبدئياً
    كل سنة و أنت طيب
    ثانيا مش انت اللى غلطان لازم هما اللى يحركوا يوم الحداد دا
    -:)

  2. كل سنة وأنت طيب ياسيد عمر وتماشيا مع كلام حموكشة اللي اتمخمخت منه بالقوي..
    كل سنة وأنت أكثر طيبة
    من قلبي أتمنى أن تفتت السحب التي تحجب شموسك

  3. Ahmed said,

    كل سنة وانت طيب يا جميل ياابو قلب ابيض

  4. Doaa Samir said,

    عمر,,,عمري ما اتمنيت إني أكون شاعرة وإني أعرف العروض لكي أستطيع نظم ما سوف أقول نثراً، كما أتمنى الآن
    عابر سبيل، لكنه ليس ككل السبل، وعابر، لكنه ليس أي عابر.. أنت فنان تبدع في الحياة، ومن الحياة حياة. بينك وبينها علاقة غريبة تجعلك تخاصمها وأنت إليها مشتاق، وتصالحها وأنت نافر مما فيها من تكشير تطمسه بدوزنة (اسم يدوزن- مش عارفة) ولمسة وتر في العود، ونفحة عطر في بيت يقول لك أو ربما يقول لنا سبب وجيه للفرح
    عمر, جميلة وشرحة وبرحة النافذة الشفافة اللي طليت علينا منها النهاردة وطليت منها على امبارح وبكرة… وخلتني أنا كمان أطل منها… كل سنة وإنت عمر بتضحك في وش الشمس وتحس وترتجف في اللحظات المباركة. كل سنة والوجوه الطيبة حواليك بابتساماتهم وضحكاتهم المكركعة وغناهم الناشز. كل سنة وإنت طيب يا عمر

  5. Ghada said,

    أعصابي تعبت!
    كل سنة وإنت طيب يا عمر
    وبس!

  6. كل سنة و انت طيب يا جميل🙂

  7. Hamuksha said,

    تعيش وتفتكر يا عمر🙂
    من قلبي أريدك أن تحطم كل السلك الشائك الذي يعوق ورودك

  8. هندزة said,

    يا أبو عمر يا جميل مش كده كل سنة و أنت طيب و عقبال مائة ألف سنة بس تكون الاحوال فيهم أحسن من كده شوية و متخفش كلها شهرين و أحصلك

    سامح

  9. Omar said,

    وانتم بخير وصحة ورضا وسَكينة وصحصحة وعيون مفتحة زى الورد.. تسلم ايديكوا يا ناس

  10. رغم كل الظروف المارة حاليا علي المستوي العام
    كل سنة و انت طيب

  11. يا عم عمر كل سنة وإنت طيب، كل سنة و إنت أكثر إبداعاً ،تمنياتى بسنة سعيدة

  12. عيد ميلاد سعيد رغم السواد
    يا عمر يا شايل همنا المنعاد
    كفاية بقى ظلمة كفاية هدد
    حكاوينا تحكيها يا اجدع ولد

  13. Omar said,

    وانت طيب وبالصحة والسلامة يا ولف

    ايه الجمال ده يا علاء، تسلم ايديك🙂

  14. بص أبسط حاجة ح أقولهالك
    عشان معلش بس أنا مش فيا دماغ أنظم كلامى..

    فكل سنة و إنت طيب.. بجد..

  15. بس على فكرة.. إنتو بتصوبونى بالإحباط..
    عشان إنت مشاء الله 23 و كدة.. و أنا لا أزال 20 و لسا موصلتش لحاجة…

  16. Mohab said,

    tamam tamam
    kol sana wenta tayeb

  17. Omar said,

    واحد من مصر: وانت طيب وبخير وجميل كعادتك

    بلو: يا بنتي أولاً أنا 24 سنة، ثانياً أنا لسة تقريباً معملتش كتير من اللي نفسي اعمله، الأحلام مبتخلصش، وبعدين انتي صغيرة، يعني عندك لسة كل الفرص تعملي كل اللي تتمنيه، ذاكري كويس وبالتوفيق، ومتشكر جداً ليكي

    مهاب: تمام تمام يا بوب، واحشينّي يا تحف

  18. متقلش صغيرة.. 20 سنة مش صغيرة
    أنا كل ما أقراء فى التاريخ أحس إنى عجوزة و مكحكحة.. و كفاية عليا كدة

    20 سنة و مش عارفة أنا عايزة إيه.. و بدل ما أفكر، قاعدة أضيع عمرى هنا و هناك
    رحت أدرس حاجة كنت فاكرة إنى بحبها * و فعلا كدة * لكن إكتشفت إنهم هناك مش بشر.. دول ماكينات موجهة

    الهندسة قبل أى شئ فن و إبداع.. و هناك معدلات و صم.. هناك معتقل جماعى لكل الناشطين فكريا أو عقليا صدقنى
    أنا خايفة عقبال ما أخلص، أفقد حتة الإنسان اللى بقيالى..
    و ياريت مكنش من باقى القطيع

    و تقول صغيرة!؟
    صغيرة أه.. بس تايهة و بتضيع عمرها تدور على نور لجل تبدأ رحلة البحث عن نفسها من الأول

    فبلاش الغم بتاعى كدة ع المسا.. و أتمنالك تحقق كل اللى تتمناه..
    و بالتوفيق إن شاء الله

  19. Eve said,

    الدّعاء متأخر شوي، بس كلّ سنة وأنت بخير يا عمر

  20. Omar said,

    وانتي بخير وصحة يا ست البنات

  21. AZ said,

    ايه يا عم ايه فى ايه الكآبه دى انااروح انتحر بقى والا ايه
    مانا ياخويه كملت 24 سنه فى يناير اللى فات وكله زى الفل وتمام التمام انت محسسنى ان اللى يقلولك كل سنه وانت طيب يبقى بيقتلك
    طيب يا عم اشمعنى انا
    دعنى اقتلك قليلا كل سنه وانت طيببببببببببببببب ?P:

  22. Omar said,

    أييييييييييييي، عملتيها يا مفترية؟ يللا حصل خير–>


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: