June 24, 2005

هوا الكنال شدني اتمشيت على مهلي

Posted in تصاوير, حياتي at 1:14 am by عمر مصطفى

يوم آخر جميل في بورسعيد، بعد ليلة شم النسيم هناك مع حمكشة ولون. هذه المرة بعد جذب وشد وحوارات ومداولات اتكلت على الله أنا وعلاء، واتجهنا شرقاً عبر خطوط شرق الدلتا (رايح/جاى). معظم اليوم الذي كان أساساً بغرض الاستجمام والابتعاد قليلاً، قضيناه على كرسيين وتحت شمسية لم تتوقف عن مقاومة الهواء الرائع في بورفؤاد. المعدية المجانية فسحة في حد ذاتها، ولابد أن أذكـّر رفاقي في كل مرة بعد (العبور) أننا الآن في آسيا، ويندهش البعض من طرافة المعلومة على حقيقتها.

لا تزال البلد (بور سعيد/ فؤاد) تأسرني بهدوئها ونظافتها وريحها الطيب. على البلاج 5 جنيه توفر لك مكان محترم لنهار بطوله، والفرجة غيّة.

وجوه الباعة الجائلين الموسميين موضوع ثري للإبداع في رأى علاء. هؤلاء السرّيحة يعملون هنا وفي باقي شواطئ مصر في المواسم فقط، قادمين من محافظات الدلتا والصعيد، ملتمسين الفرج في وسعة البحر الذي لا يزال متوسطاً. السفن الناقلة الضخمة لا تكف عن تذكيرك بأنك في ميناء وأنك ضيف على أية حال.

اسمع دويتو بيني وبين البحر بحضور الهوا ككورس

أظن أن معظم من كانوا على الشاطئ – ولم يكونوا كثر – من أهل البلد، لم تنته الامتحانات، ولم ينزح القاهريون إلى السواحل بعد في حركتهم السنوية المباغتة. عموماً أكلنا “خد الجميل” التي هى تفاح مغموس في سكر ملون، وطربنا لوجه “علي” الصبوح القادم من سوهاج للاسترزاق على البلاج بجلاليب حريمي، وضحكنا على أغاني بتاع الجيلاتي الرايق، وشمينا هوا نضيف.

اليوم لم يكن طويل، لكنه كان كاف جداً لتسكين أنفاسنا اللاهثة ورسم ابتسامات حقيقية على وجوهنا المرهقة، تعيش بورسعيد، تعيش تعيش.

11 Comments »

  1. ??? ??? said,

    يا ريتني كنت معاهم,يا ريتني كنت معاهم🙂

  2. Omar said,

    علاء: الصور كتير معرفتش احط ايه ولا ايه، غير ان الشوية دول خدوا مني وقت مش قليل

    لون: ياريتك كنت معانا فعلاً، افتقدناك

  3. Aladdin said,

    هايل يا صاحب “التجربة”، هوا ده اللي كنت مستنيه منك.

    الصور تحفة .. بس ليه ما حطتش صورة الراجل المصور؟ دي صورة معبرة جدا.

  4. rana said,

    الصور جميلة والدويتو أجمل
    هايل بجد …
    تحياتي ليك
    رنــــا

  5. ???? ???? said,

    الله يا سلاااااااااااااااام… أحسن حاجة بتعملها يا عمر إنك بتقول وتنفذ في نفس الوقت.. بكرة ألحق لي يومين أنا التانية لحسن صديت.. إحم.. أقصد إن اللي.. هو …أصل الحكاية.. الأكل جه ,,, سلام

  6. هى ليه الناس و المدونات كمان بقت تمسكنى من الإيد اللى بتوجعنى؟!
    آه فكرتونى بالذى مضى.. هوا البحر أيا كان.. و ليالى بورسعيد
    *رغم إن بحرها مش للعوم الصراحة.. هو للفرجة بس*

    عموما.. حمد لله على السلامة
    وإن شاء الله تستمتعوا بها دايما

  7. حلوة قوى الإغنية بتاعة البحر بجد.. وبذات الجملة دى:
    أنا فين وليه وإزاى دا الوقت

    غير العرب الاغيرة بتاعة “عينى”
    للأمام.. وفن م النوع دة أرجوك

  8. Omar said,

    دعاء، رنا، بلو/

    شكراً جزيلاً ع التعليق، ومبسوط إن الدويتو عجبكن، أنا كدة مبسوط بالعدوى، لحظات جميلة

  9. Hamuksha said,

    This post has been removed by the author.

  10. Hamuksha said,

    صورة “قاصد كريم” حلوة: فيه تناظر بين الاتنين البياعين، على خط بين البحر والرملة، ووضع العربية والعجلة كأنهم بيلعبوا لعبة توازن على الخط دا، واليفط ورا. الصورة موحية جدا. عبارة “قاصد” كمان ودلالتها على الاتجاه والحركة والمشوار، مع اليفط. طبعا فيه جانب التوفيق في وجود الحاجات دي كلها، بس كونك ما خليتش حد ف الصورة غيرهم، وكمان الطرف الشمال بينتهي بضهر الراجل، فدا إحساس.

  11. Omar said,

    خليتني أشوفها أفضل يا حمكشة، بتعجبني قراءتك للصور ولأشياء كثيرة غيرها، شكراً يا صاحبي


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: