July 21, 2005

صاحب القيثارة

Posted in مفيش ف الأغاني كدة ومش كدة at 7:40 am by عمر مصطفى

تعرفت على د.”ألفريد جميل” بالصدفة، إذ كنت أبحث عن أستاذ كمان لصديقة كورية، تدرس الكمان في روسيا وقررت المجئ إلى مصر لدراسة الكمان الشرقي.

كنت أعرف عنه القليل وعن فرقته قيثارة، لكني كنت أدرك قدره جيداً كموسيقي، وعندما فكرت فيه كأستاذ لصديقتي، وجدت أنه قد يكون شيئاً رائعاً لها، وأكون قد خدمتها بالفعل إن وافق د. ألفريد على تعليمها.

“علاء” حكى لي من قبل عن لقاءه بألفريد وجعلني أتمنى التعرف به أيضاً؛ فوجدت كل الحجج مواتية والظروف مشجعة للتعرف بالرجل.

كان هذا في مارس الماضي تقريباً عندما اتصلت به لأول مرة، أسلوبه كان مشجع جداً وغير (عنطوز) كغيره من (الفنانين) والمشاهير، شخص ودود ولطيف ومتواضع رغم قدره، وهكذا كان أيضاً عندما قابلناه في اليوم التالي في صومعته الموسيقية المدهشة..

اليوم تستطيع “ميكو” عزف الكثير من المقطوعات العربية بمستوى جيد جداً، وقد تنضم لقيثارة في الحفلات القادمة. البنت موهوبة جداً وذكية في الحقيقة، لكن “ألفريد” أستاذ عظيم كما خبرته، والأهم أنه إنسان جميل.

(اتلككت) لأعرف عنه أكثر ولأتواصل معه زيادة، فأجريت معه هذا الحوار في المجلة الالكترونية التي أكتب بها. قال لي أن الحوار أسعده وأنه من أفضل ما كتب عنه؛ فأحببت أن أشرككم في هذه الخبرة التي أسعدتني، وتتعرفوا معي على هذا الرجل الجميل، “ألفريد جميل”.

10 Comments »

  1. عارف يا عمرو أكتر حاجة بحبها فى البلوج عندك؟
    بحس دايما إنها شباك، أو طاقة مفتوحة ليا عشان أعرف أكتر عن العالم اللى من صغرى نفسى أقتحمه ومع الأسف تأتى رياحى بما لا تشتهى السفن..

    ومن فضلك خلينى اشكرك لأنك بالنسبة لى نظارتى الموسيقية الجديدة..

  2. Karim Elsahy said,

    Set up a protest against terrorism tomorrow in the streets of Cairo. Do it. Call everyone you know, join together, link up this Egyptian blogosphere and to the streets.

    Karim Elsahy

  3. Omar said,

    شيء يسعدني بجد إن فيه حاجة في المدونة دي تهم أى حد غير عمر، دي التجربة اللي بحاول اعيشها مع الناس، أشكرك يا بلو، ويسعدني جداً أكون نضارتك وسماعاتك وكل حاجة، سلاماتي على رأيك🙂

  4. Amira said,

    يا سلام يا سي عمر مكنتش عارف إن مدونتك تهم حد غيرك..؟.
    يا راجل حرام عليك.. دا احنا سايبينك تجرب فينا ليل ونهار.. وتسمعنا حاجات ومحتاجات مرة كاميليا جبران ومرة جمالات شيحة ومرة موسيقى روسي ومرة تركي… تفتكر يعني لو مكنتش التجربة تهمنا كنا حنستحمل اللي بتعملوا فينا..؟!!
    على العموم يا صاحب التجربة بجد أنا واحدة من الناس اللي فعلاً سعيدة بظهورك في حياتي بجد أضفت لي الكتير.. خلتني اسمع واعرف حاجات كان نفسي احسها واسمعها من زمان… ومنهم ألفريد جميل اللي كنت مستغربة تحمسك وحبك الشديد ليه لغاية ما سمعته ولقيته بجد حد يستاهل… أنت عارف إني مش بتشد لأي مزيكا بالساهل لخلل ما عندي.. لكن بجد الراجل ده مختلف..في حاجة فيه خلتني أسمع المقاطع بتاعته كلها واسيبها تتعاد طول النهار…من غير ما اتخنق أو احس بصداع.. شكرا يا فندم على ألفريد جميل وعلى وجيه عزيز وكاميليا جبران وعيسى بولس و.. وكل الناس ..

  5. متعبرنا يا عم عمر انت روحت فين والا الموضوع شكله هيقلب بجد

  6. Ghada said,

    أنا أول مرة أعلق عندك هنا، معجبة بالبلوج جداً وبثقافتك الموسيقية الواسعه، ومبسوطه انك عملت بلوج علشان “نمص” منك معلوماتك.
    عجبتني قطع الكمان اللي كانت شغالة في بص وطل مع مقابلة د. ألفريد جميل. ونفسي أحضر لقيثارة حفلة.
    ازاي أعرف مواعيد حفلاتهم. هل ليهم موقع مثلاً؟؟؟

  7. Omar said,

    شكراً على الكلام الجميل، وده من دواعي سروري
    بالنسبة لألفريد، هم ليهم موقع تحت الإنشاء، ومفيش طريقة مضمونة لمعرفة مواعيد حفلاته إلا بالاتصال بيه هو شخصياً، هو بيرحب بأى حد يكلمه، لكن حفاظاً على خصوصية الرقم، ممكن تبعتيلي ايميل وارد عليكي بالرقم بتاعه، والدعوة دي لأى حد يحب يكلمه، تحياتي

  8. اسلام عبد اللاه said,

    اصدقائى الاعزاء بعد التحيه احب اشكر الانسان الجميل الى قال الكلام الجميل ده فى حق د الفريد انا احد تلاميذه وكمان هو صديق مقرب ليه وللعلم د الفريد من اعظم الشخصيات الموسيقيه فعلا ويستحق اكتر من كده ولذلك انا بفضله كموسيقى عن ابويا رغم ان والدى موسيقى برده بس هو فى نظرى افضل بكتييييييير
    دى حاجه اما بالنسبه لمواعيد حفلاته فأحب اقول ان حفلته الجايه يوم 12-5-2007 الساعه 9 فى المسرح المكشوف واعتقد انها هتكون من اجمل الحفلات وبعدين الموقع بتاعه تم انشائه على ما اعتقد وهو .
    http://www.qithara.com
    وهو كاتب رقم تليفونه الشخصى وتليفون المكتب فيه ولأى مساعده او استفسار ممكن اسقبل اى حد على اميلى او تليفونى 0108609913 وده هيكون شئ يشرفنى وبجد يريت تيجو الحفله الجايه لان هيعزف فيها صوليست بيانو من الاركسترا الملكى الفلهارمونى بلندن وكما ده بجانب ان د الفريد هيقد مقطوعتين لاول مره هم لونجا ريشه مقلوبه وتحميله بلوز بتمنى كل الناس تيجى ويستمتنعو بحفله من اجمل حفلات د الفريد جميل

  9. هذا المنتدي اكثر من رائع
    مختلف فعلا عن اي منتدي اخر فهو حين يتناول معلومه لايتركها الا وقد اكدها للقارئ او المشاهد
    اتمني الاهتمام بالقسم الموسيقي بما يتناسب وكفاءة المنتدي الخلاق .
    ابراهيم خفاجي

  10. معكم ل يشعر الانسان بالملل
    ابرلهيم خفاجي


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: