November 17, 2005

وبعدها وِسْعة

Posted in النجمة ام ديل at 1:39 am by عمر مصطفى

 

للوحدة في الحزن ريحة موت
ضلمة بيوت .. من غير شبابيك
غربة بيبان .. من غير بيوت
بس صحرا
لا فسرت همك
ولا عندها القدرة
تساع وجعك الطازة
وأجزائك الفتافيت

 

عمر

11 Comments »

  1. Aladdin said,

    وجعتني … بجد

  2. Aladdin said,

    وجعتني … بجد

  3. Doaa Samir said,

    زيك يا عمر.. لا الصحرا ولا حتى السما فسرت همي ولا سعت حزني

  4. hesterua said,

    ان مقرتش تضحك متدمعش و لا تبكيش

    راجعلك يا دنيا

    راجعلك يا دنيا
    جاى على بابك
    قومى يا دنيا
    و افتحى دولابك
    البسى
    اتجملى
    رجعى شبابك
    واتكحلى
    جنب الشباك
    ورامشربية
    استنينى
    نسيت انا سنينى
    نسيت كلامك
    نسيت خصامك
    ومهما تعملى فاكرك
    ومهما تهجرى عاشقك
    ومهما تعملى فيا
    هجرى وراكى واحايلك
    رغم الدموع
    رغم الأنين
    اللى سكن الضلوع
    جايلك مفيش ممنوع
    جوايا ميت موضوع
    راجع بمليون فكرة
    جايلك بمليون ايد
    لكل ايد فكرة
    ولكل فكرة ايد
    عاشقك غنى واحلام
    بعزف وتر انغام
    ومعايا احلى كلام
    لبكره ولقدام
    راجع وقلمى حديد
    هكتب غنى واشعار
    وقصايد على كيفى
    هغازل شمس النهار
    هعشق قمر صيفى
    هغنى للموجود
    وضحكة المولود
    وحلمى لو موعود…يسيبنى
    فى غيرو
    اناديلو
    بقوتى المكبوتة
    وبرقة البنوتة اسايسه
    واحكيلو
    ويسمعنى
    وافتح صدرى للدنيا
    وايه يعنى
    وتتغتح صناديق
    وتتملى الأباريق
    ويرتوى العطشان
    من كفى
    وتقفى يا بلادى فى صفى
    ويبتدى التاريخ من عندى

    ايه يا عم عمر
    دا انت اللى علمتنى
    بس قليل من الحزن ممكن يشحن الفنان

  5. hesterua said,

    سبحان الله
    المحاولة دى انت اول واحد شوفتها فى الأميل
    و مدونتهاش من يومها من شهرين
    و تانى مرة عشانك باردو يا عمر

  6. Zeryab said,

    وجعتنى

  7. AZ said,

    لا الحزن دايم ولا الفرح دايم…. ولا دايم الا وجه الدايم…. زيح من على قلبك محدش هيعرف يزيحهولك غيرك:)

  8. sefsafa said,

    تسلم يا عمر ويسلم وجعك الطازه
    حلوة اوى
    ضلمه بيوت من غير شبابيك
    غربه بيبان من غير بيوت

    كتابتك مثيره للتأمل

  9. Omar said,

    آسف على أي وجع يا جماعة، وشكراً على التواصل الجميل، كدة الحياة أسهل🙂

  10. Omar said,

    دكتور زيفاجو:
    انت بالذات حيرتني، مش عارف اعمل معاك ايه، انا مستاهلش ده كله يا احمد

  11. عايز اقول حاجة اكتر من “جميل” او “رائع”…بجد
    ازاى اتكلمت عنى؟
    فنان


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: