December 3, 2006

نصبوا الشرَك صادوني

Posted in مفيش ف الأغاني كدة ومش كدة, ع العالي..سمّعني at 2:41 am by عمر مصطفى

 

كانت المرة الأولى اللي أسمع فيها موسيقى الجعافرة بشكل حي، وسمعت قد إيه الفرق بين أسلوبهم في الغنا، وبين أسلوب محمد منير مثلاً لما غنى أغنية مهمة من التراث الجعفري وهي “نعناع الجنينة”، فرق كبير جداً لصالح الجعافرة في رأيي المتواضع، وعموماً مش هو ده الموضوع.

في “مكان” حضرنا حفلة لسيد ركابي وفرقته، و“سيد ركابي” من حفظة التراث الجعفري الباقيين، وكان العرض من أقوى العروض الحية اللي حضرتها في حياتي. رغم بساطة المزيكا (عود وكوَلة وإيقاعات وأصوات فقط)، إلا إن ثراء الروح بالأساس، وتنوع الإيقاعات والمقامات (سباعية وخماسية) وتنوع مواضيع الأغاني من حب وغرام إلى أغاني ذات طابع ديني وأخرى في شكوى الدنيا وغيرها، كل ده كوّن بالنهاية عرض ثري جداً لفرقة بتقدم جزء جميل من تراثنا الموسيقي المصري..

أنصحكم تروحوا تشوفوهم في مكان، وتشتروا الألبوم بتاعهم دعماً ليهم ولـ “مكان”، اللي بيقوم فيه د. أحمد المغربي بمجهود غير عادي عشان يقدم التراث الموسيقي المصري في شكل يليق بهذا التراث الضخم، ويكون قريب مننا نحن سكان المدينة المحاصرة، فك الله أسرها، آمين..

نعناع الجنينة (سيد ركابي وفرقته)

5 Comments »

  1. عوليس said,

    اكسب فيا ثواب وقولى البوماتهم بتيجى منين بالظبط

  2. tagreba said,

    بيتباع في “مكان” اللي اللينك بتاع موقعه موجود في الموضوع

  3. الديب said,

    السلام عليكم و رجمة الله و بركاتة
    انا من عشاق الاغنية بتاعت التراث و الحقيقة انا بشكر اللى عاميلين بهذا الموقع الممتاز حقيقة
    بس انا كان عندى حاجة كدا
    بالنسبة للاغنية مش راضية تنزيل لية
    ياريت الرد من العاميلين بهذا الموقع ع الايميل

  4. دعاء صادق said,

    مشكورررررررررررررررررررررررررررررررررررر

  5. مطرب محترم واغانيه كويسه جدا….ياريت جميع اغانيه


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: