December 12, 2006

عـيــــِّـل

Posted in موزونٌ مُقـــفـّى, تصاوير at 1:03 am by عمر مصطفى

عيِّل..

ماشــي و دراعـي

فى كـــف ابويـا

لكن عنيّا في ألف منظر

مصاحبة نور الفترينات

وودانى بين السماعات

حافظة أغاني الاعلانات

وعــــارف امتى..

ابدأ أعيّـــــط

وامتى اتنطط و اهلل

عيِّل..

باحب ده علشان باحبه

و مابكرهــــوش..

حتى لو كان مش جميل

و لسّــــه وشّى..

محتاجش لرتـــوش

و لسّه قــــلبي..

ماحتاجش لــبديل

باحلم بنفسي طويل طويل

واما يجينى نعاس باميِّل

عيِّل..

بابني البــــيوت..

من مخدات الصالـون

والعب مع بنت خالي

عــروسة و عريس

والعب حرامية و بوليس

كائن ماليش ف العكننة

و ماحبش الأمر الغليظ

و قلبي يبدأ لارتعـاش

لما الســما تبدأ تليّل

عيِّل..

عمرى ما حسيت بالملل

حتى فى أوقـات الزعل

حتى ف أوقـات الملل

عمرى ما حسيت بالملل

و كل لحظة تعــدّي

يتخزن شعــــور..

و كل ريحة و كل صوت

ما رحتش من مناخـيري

ريحة البارفانــــات

ولا راحت من عنيّــا

أشكال البيــــوت..

حُـــضنك يا ستـّي

لحن مالهـوش أى صوت

شوقي للأفــــراح

تواتى..

صبري ع الأحــزان..

تفوت

أنا عايز اشــــوط..

كورة

واجيب مليــون هدف

عُـــــمري اتحدف

لكن ف لحظات بابـقى..

عيِّل..

من ديوان : أسباب وجيهة للفرح

فوتوغرافيا: مصطفى أحمد

8 Comments »

  1. Aladdin said,

    أولا صورة معبرة اوي عن الكلام المعبر!

    القصيدة واخدة بحر خفيف متسق تماما مع الموضوع اللي انت بتتكلم فيه بس “مارحتش من مناخيري” مش ملاحظ انا تقيلة شوية؟!

    عموما هذه القصيدة وغيرها من أسبابنا الوجيهة بفرحتنا بيك يا بشبوش!

  2. tagreba said,

    يا لول ما هي الريحة بتفضل في المناخير مش في حتة تانية، مفيهاش حنتفة دي، اعمل ايه يعني، وتسلم يا كبير

  3. Moia said,

    gamela gamela gamela🙂

  4. ali said,

    رائع كأني رجعت عيل !! لكن انت مين , أقصد انت ايه ؟

  5. tagreba said,

    مويا: اشكرك يا مويا، انتي اجمل
    علي: سعادتك يمكن تقصد تسألني: انت ازاي؟ وساعتها ممكن اجاوبك واقولك أنا: كدة.. وانت؟

  6. “لسه قلبي ما احتاجش لبديل”

    لمستنى جدا

  7. tagreba said,

    dina:🙂

  8. maii khater said,

    بجد جميله اوىىىىىىى
    و معبره اوى اوىاوىى


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: