December 15, 2006

زي اللي حصل في الرواية

Posted in موزونٌ مُقـــفـّى at 12:19 pm by عمر مصطفى

أنا خايف يحصل لنا زي اللي حصل في الرواية

يعني انت مثلاً تروي الرواية

تطرح حدايا

أو انا مثلاً أحكي الحكاية

فيغمض الشباك

وهكذا

وخايف اموت قبل ما اقابله في المنتزة..

صدفة

أو في واحة الدرة الناشفة

أو في أي بلد من بلاد الله

عموماً يعني لو أنا مُت

قول له أنا فُت ملقتهوش

وقول له يبني لي بيت

ويكتب عليه: بيته اللي مسكنهوش

ويسد بابه بمراية

لإني خايف جداً

يحصل لنا زي اللي حصل في الرواية

 

بيقولك معايا اللي بان واللي

واللي لسّه

وبيقولك هربْت في قطر كان قبلي

لا بيبـــحّر ولا يرسى

وبــــيقولك انا مقدرش

ما احلمش بيك معايا

وبيقولك ما تستخسرش

تحلم معايا بيك

ولو قتلوا المراكب والصيادين

ورشوا سوق السمك نفتلين

وخبوا البحر في نقاية

ما تستسلمش..

لإنه صدقني

خايف يحصل لنا زي اللي حصل في الرواية

 

5 Comments »

  1. Nour said,

    انا اللى دلوقت خايفة يحصلى زى اللى حصل فى الرواية المدونة دى ازاى مدخلتهاش قبل كده؟؟؟

  2. tagreba said,

    ملحوقة.. فاتحين اربعة وعشرين ساعة وخدمة توصيل الطلبات للمنازل كمان🙂

  3. MONBYH said,

    عموماً يعني لو أنا مُت

    قول له أنا فُت ملقتهوش

    وقول له يبني لي بيت

    ويكتب عليه: بيته اللي مسكنهوش

    اه والنبي ابقي قوله …

  4. hesteruaa said,

    تسلم ايدك يا عمر يا فنان
    خبو البحر فى نقاية
    ايه الجمال ده

  5. tagreba said,

    مونبيه: يوصل
    أحمد: ربنا يروّق بالك يا حبيبي، تسلم


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: