December 28, 2006

لون المشمش المدهش وتكنولوجيا البقع

Posted in موزونٌ مُقـــفـّى at 2:27 am by عمر مصطفى

يمكن لإنه مكانش فيه

أنا تهت فيه

وبقيت في غاية لاندهاش

ولا لون ثبت

ولا قلب باش

ولا حب كان يغسل أكثر بياضاً

أو خضاراً أو صفاراً

أو لون مشمشي هادي

هتلاقي بقعة لطيفة

عادي

بقع الحياة ماكياج

 

يا صوف الأضرحة المبلول

غَسول عنيّا لونه اخضر سندسي

داريني وانا بابكي يا عيني واحرسي

خللي اللي شافوا يقولوا

ما شوفناش

بعد العياط

ألعب في حوش الانبساط

والراحة

واشوف كويس قوي

كأي عيّل ع المعاش

وابقى في غاية لاندهاش

 

28 ديسمبر 2006

9 Comments »

  1. بعد العياط

    ألعب في حوش الانبساط

    والراحة

    واشوف كويس قوي

    كأي عيّل ع المعاش

    وابقى في غاية لاندهاش

    عمر
    انا اللى فى غاية الانبساط والاندهاش
    على حد سواء🙂

  2. tagreba said,

    وانا في غاية الممنونية يا لستُ أدري هانم

  3. Aladdin said,

    دا ايه بقى دا ايه بقى دا!! أؤيد لست يا عمّور التجارب!

    بقع الحياة مكياج؟! دا على كده احنا وشنا متلحوس ع الآخر!!!

    (هامش لابد منه) يابني أنشر بقى الله لا يسيئك بقى! (سمايلي غاضبة جداً)

  4. tagreba said,

    هههههههه طب متشخطش، ربنا يسهل، اوعدك اني هادرس كل عروض النشر العالمية اللي جايالي واختار منها في غضون فترة ما.. حلوة غضون دي؟🙂

  5. إزيك يا عمر…
    كل سنة وإنت طيب..
    بس يا عمر علاء عنده حق! ويا عم تنازل شوية، مش لازم يعني النشر في إنجلترا وفرنسا وكده. بلدك برضوا أولى، مش كده وألا إيه؟!

  6. انا في غاية الاندهاش، برضه، بس برضه مش في غاية الاندهاش، لأنك يا ميرو مش غريب عليك تكون مدهش كده

  7. tagreba said,

    شيماء: كدة وابو كدة طبعاً🙂
    لول:يعلي مراتبك واشوفك وزير الزراعة كدة قادر يا كريم

  8. مش بطالة يا عمر😀

  9. tagreba said,

    طب مش كتير عليّ كدة؟! شكراً يا ستي🙂


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: