February 8, 2007

تعالي

Posted in موزونٌ مُقـــفـّى at 6:36 pm by عمر مصطفى

عاوجين مع بعض النظرة على قُدّام

ظابطين مع بعض النغمة من النوى

سامعين سوا

صولوهات قلوبنا حفل راقص على جزئين

سبنا العينين وحوَدْنا ع الإحساس

والريحة بالسؤالات مِتشبّعة

ودوشة ناس

وفيها حس بنات متدلعة

ومراجيح

وانا وانتي بالتفاريح

بنقول لبعض كلام صريح..

ومتداري

تعالي..!

 

8 فبراير 2007

10 Comments »

  1. Dananeer said,

    حلوه يا عمر
    كويس ان المود اتغير

  2. to late for tears said,

    قلت لقلبي :
    انا موعود بان الايام الحلوة راجعة تاني
    رد عليا :
    بس ياتري الايام هي اللي كانت حلوة ولاه احنا الي كنا حلوين فحلناها ?!

    قوية و مؤثرة اوي يا عمر , فكرتني بايام زمان طبعا مش ناسيها .
    واحد صاحبك كان نفسه يشوفك و يقعد معاك تحت الجميزة )
    (

  3. tagreba said,

    دنانير: ربك بيكرم برضه
    صاحبي: هو كان فيه حاجة حلوة عموماً، ممكن تكلمني ونحاول نوصلها سوا

  4. الله الله

  5. الله الله الله

  6. اهلاوي said,

    مش فاهم اي حاجة بس يلا مش مهم شكله كلام مهم ما دام الناس قالت كده يبقا هايل يا عمر

  7. كلام به الكثير من المراوغة المحببة! اضطررت لـ”عوج” رأسي ناحية اليمين عليّ أتوصل إلى معنىً مغاير … بس العوجة جت زي نظرة عينيهم … جميل يا عمر أن قاموسك الشعري مليان “مزيكا” بتبتدي من النوى وبعدين نسمع معاك “صولوهات” القلوب .. موسيقى مشتعلة كما الرقص النابض بالحب والحياة.

    بعدها يا سيدي رحت “ممرجحرنا” بمرجيحة تنزل لأرض مشبعة بـ”ريحة” الأسئلة وتطلع لسما التفاريح وفتنة البنات المتدلعة!!! وآخر المرجيحة تصريحٌ وتلميح ثم أمر!!!

    لا يسعنا في هذا المقام إلا القول “تسلم الأيادي” …

  8. tagreba said,

    فنجان قهوة: الله يكرمك يا ستي
    أهلاوي: ولا يهمك يا عمنا، بس انت منورني والنعمة، وسيبك انت.. الأهلي عمهم وحابس دمهم🙂
    لول: انا برضه اللي تسلم الأيادي؟؟ متشكر قوي يا حبيبي

  9. Doaa Samir said,

    الله… الله… الله
    ياه يا عمر… حلوة موووووت الحركة اللي إنت عملتها في القصيدة دي… كلامك، ومعاه إحساس يبتحرك وبيحود وبيمشي (دوغري) للي يرمي لك سمعه ومعاه حتة من قلبه
    كتير باشوف في قصايدك حكي وونس، بس أول مرة أشوف طريق بيتمشي مع الحكي
    تسلم
    ((:

  10. tagreba said,

    ربنا يكرمك يا دعاء


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: