February 23, 2007

توأمي الخشبي

Posted in النجمة ام ديل, تصاوير at 1:58 pm by عمر مصطفى

شكلك عازف ربابـة
ضاعت منه الربابـة
تايه بين ميت إجابة
ومعذبـك الســــؤال

 

شكلك حاسس بحاجة
بين التيه واللـــجاجة
أو معلول باعوجـاجة
في فهم الاحــــتـمال

 

شكلك عمّال تفكر
في أقل ولا اكـــتر
هو مزاجك معـــكر
ولا انت بألف حال

 

عينك مش باينة منك
وأكيد ده مـــش أدب
ومكان القلــب وَسَعة
ولا قـلــة خــــشـب؟؟

 

أهلاً يا زميل🙂

أخينا ده لقيته امبارح في محل انتيكات افريقي فجبتهولي هدية، ويخلق من الشبه أربعين*

الصورة أعلاه وباقي الصور من تصاويري.. خدتها ف لحظة.. ولا بلاش **

20 Comments »

  1. مش عارف أنا “قلة الخشب” اللي انتا بقيت فيها دي يا عمور!! الواد اللي ف التسويرة شبه ابنك تمام يا بو التجارب والا ايه؟!! عقبال ما تخاويه ان شاء الله بخشباية حلوة ومقطقطة وزي القمر!

  2. tagreba said,

    آه وميكونش فيها مسامير والنبي

  3. سامية said,

    ومكان القلــب وَسَعة
    ولا قـلــة خــــشـب؟؟

    يا عيني يا عيني! أهي دي ما يشوفهاش الا شاعر بجد
    :))

  4. حسام فخر said,

    يا عمر
    مابيفوتش يوم من غير ما أزور مدونتك اللي بقت نافذتي على عالم البلوجسفير كله!
    تصور! ماعرفتش عن مدونة فؤاد حداد إلا منها. ربنا يخليك وتدون وتعرفني ما يفوتني في الغربة
    قريت مقالتك عن ورد بلدي شباب اسكندريللا وفرحت بها جداً
    مش بس عشان هم فنانين كبار يستحقوا هذا الاهتمام وأكثر
    ولكن وده أهم في رأيي عشان ده اللي جيلنا ماعرفش يعمله
    ماعرفناش نفرح ببعض ولا نحتفل ببعض ولا نعرف الناس ببعض
    كل واحد فينا قعد لوحده أو بالكتير مع مجموعته الصغيرة وعشان كده ماعرفناش نخلي الدنيا تسمع صوتنا
    يارب تفضل دايماً فرحان بأولاد جيلك وهم فرحانين بيك والدنيا كلها تسمع صوت “الورد اللي بيطلع” على رأي صديقي أحمد حداد
    القصيدة جميلة بس غلاسة كده يعني بعد المدح والتقريظ حاقول لك المقطع التاني يمكن محتاج إعادة نظر
    تحياتي

  5. tagreba said,

    انا معاك يا حسام صحيح ان في جيلنا يمكن مبنعرفش نحتفل ببعض كفاية، يمكن لافتقاد السياق او الوسيلة المناسبة في احيان كتير، لكن لو خدنا دايرة التدوين كمثال – رغم صغرها داخل الجيل الكبير- هتلاقي ان الناس اللي شبه بعض حقيقي بتقرب لبعض وبتحتفل ببعضها زي ما انت قلت، يمكن لسّه موصلناش لمرحلة الاحتفال بالخلافات والتنوع ما بيننا لإننا خدنا وقت على ما استوعبنا حجم التنوع والخلاف والاختلاف ده اصلا، لكن أملي انه يكون هو ده اللي جاي، وانا كل اللي عملته اني شاورت على ناس باحبها، زي ما ناس كتير بتعمل معايا الحقيقة

    بالنسبة للمقطع الثاني، وغلاسة بغلاسة بقى انا اعدت النظر والموضوع عاجبني😉
    انا معاك انها مقلقزة شوية، لكن ده اللي هتفهموه بعدييين يا استاذ هههههههههه.. لكن هافضل برضه اعيد النظر

  6. tagreba said,

    سامية هانم.. تشكرات افندم🙂

  7. حسام فخر said,

    لو خدنا دايرة التدوين كمثال – رغم صغرها داخل الجيل الكبير- هتلاقي ان جيلكم أحسن بكتيييير من جيلنا
    إنشالله دايماًً كده كل جيل أحسن من اللي قبله

  8. hesterua said,

    كالعادة يا عمر يا جميل , عينك واحساسك وكلك فنان , يا جمال تفاصيلك يا صاحبى

  9. Dananeer said,

    ايه ده انا ماليش دعوه انا كمان عايزه واحد من ده
    حلو يا عمر
    واضح انك سرحت فيه كتير و فى قلته الخشب
    مبروك

  10. tagreba said,

    حسام: آمين
    أحمد: شكراً يا صاحبي
    دنانير: اوعي تكوني قريتي (قلة خشب) القاف عليها ضمّة.. هي قلة بكسر القاف وتشديد اللام، طمنيني يا بنتي الله يرضى عليكي

  11. mostafa fathi said,

    سلام عليكم يا شباب
    بفكركم بية تاني انا مصطفى فتحي مدير تحرير مجلة كلمتنا ورئيس تحرير مدونة شاب مسلم
    انشاء الله انا حابب ان ندوة التدوين تكون يوم الثلاثاء القادم الموافق 6/مارس/2007 الساعة الثالثة عصرا في مقر مجلة كلمتنا والدعوة عامة يا شباب يا رب اكبر عدد يقدر ييجي اليوم ده وهنتكلم على حاجات كتيرة جدا تخص عالم المدونون وكمان هنشير للموقع ده ونعمل عنه دعاية جامدة جدا يا ريت تساعدوني في اننا ننشر الموضوع ده في اكبر عدد من المدونات والمنتديات
    ميعاد الندوة: الثلاء القادم 6 مارس
    الساعة: الثالثة عصرا
    العنوان: مجلة كلمتنا 22 شارع سوريا الدور الثامن المهندسين من شارع جامعة الدول العربية امام مسجد مصطفى محمود عمارة الوسيط
    منتظركم هناك
    مصطفى فتحي
    مدير تحرير مجلة كلمتنا
    http://www.shabmoslim.com

  12. sendrlla said,

    حلو قوى كلماتك

    زى ما يكون بتوجه الكلمات للمصريين

  13. هههههههه اهو ده اللى بناخدوا من محلات الأنتيكات

    ماعلينا
    القصيدة دى من احلا ما قريت ليك

  14. يا سيدي ع الروقان…
    صباحك فل يا عم..
    وسلامي للتوأم..أوك؟

  15. tagreba said,

    سندريللا: يمكن فعلا
    نبيذ: تسلم
    شيماء: صباحك ياسمين، يوصل🙂

  16. أمل said,

    ومكان القلــب وَسَعة
    ولا قـلــة خــــشـب؟؟

    .. كما قالت سامية

    ما يشوفهاش غير شاعر بجد
    🙂

    جميل

  17. tagreba said,

    شكراً يا أمل، اسعديني بزيارتك دايماً🙂

  18. حدش شاف التعديل الدستورى عند الحاج أبو جمال
    مفيش أطعم من كده ولا حلى من كده
    اقرا نص التعديلات المقترحة
    http://elezba.blogspot.com

  19. maii khater said,

    هو جميل
    و كلامك اجمل

  20. شاب مسلم said,

    بفكركم بيا انا مصطفى فتحي صاحب مدونة شاب مسلم
    هاهاها

    انا طبعا باتريق على المسيحي المتخفي اللي عامل نفسه مسلم وداير في المدونات يروج لنفسه وتدخل مدونته تلاقيها زي غرفة المراحيض بتاعة البالتوك


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: