April 1, 2007

الحركة المصرية للتجميز العنصري (جميزة)

Posted in مفيش ف الأغاني كدة ومش كدة at 2:14 pm by عمر مصطفى

 

يوم الجمعة الماضي شاركت الحركة المصرية للتجميز العنصري (جميزة) في أعمال مؤتمر القاهرة لمناهضة الامبريالية والعولمة – آه والله – بنقابة الصحفيين والذي يجمع قوى معارضة وحركات ومنظمات مصرية وعربية وعالمية كتير خالص، مما أصاب أعضاء حركتنا الوقور الكائنة بكفر الجبل منصورية، بصدمة حضارية، لكن ربنا ستر ونجحنا بعون الله اننا نقلبها مراجيح في تلك الليلة الليلاء، ونشكر إذ نشكر العزيزة “الكسندرا” على دعوتها الكريمة لإطلاع القوى المعارضة على آخر ما توصلنا إليه من جهود للتجميز العنصري بين الجميز وأي فاكهة شبيهة (التين مثلاً)

وإننا بهذا المناسبة لندعوكم جميعاً إخواني أخواتي، لمشاركتنا افتتاح موسمنا الربيعي هذا العام بحضور حفلنا الساهر يوم الأحد 8 أبريل الجاري الساعة الثامنة مساءاً بساقية الصاوي (تحت الكوبري)، فهاتوا كل حبايبكم وتعالوا لإنه أكيد كلنا عايزينها تبقى خضرا، وكل حركة وانتم طيبين

15 Comments »

  1. ونحن في هبلستان كرمنا الحركة بتاعتكم بعد إحدى الحفلات المربربة القديمة بأن سمينا أول شهور السنة الهبلستانية جمّيز أول ثم خشينا أن يجعل هذا سنتنا مربى فألغينا الزمن في هبلستان.

  2. tagreba said,

    ايه ده بقى انتوا بتجيبوا ف سيرتنا عندكو ف هبلستان؟؟، وانا اقول الفرقة بتكح ليه بتكح ليه

  3. دي كانت مراجيح مولد النبي فعلا

    :))

    أهو ده الشغل اللي يجذب الجماهير و يوحد القوي السياسية

  4. Alexandra said,

    والله يا عمر في صديق قال لي يومها، ورقة تحالف اليسار ما وحدتناش بس الفرقة دي جمعتنا. امتعتونا واسعدتونا ورقصتونا. بشكركوا واحد واحد وواحدة (بأعتبار انها واحدة ما فيش غيرها)

  5. طب ما تسموا الفرقة كوكب الشرق؟

  6. يابني التجميز العنصري (السيكامورتهايد) انتهى من زمان!! أنتو لسه مش واخدين بالكو؟! إلا لو من باب إعادة تقديم التراث السيكاموري في ثوب عولمي جديد فدا محتاج إعادة نظر!!

    بعدين مراجيح مولد النبي ايه في حاجة دلوقتي اسمها “توب-سبين” في دريم بارك!!

    نفسنا في يوم نلاقيكو عملتو حاجة مصرية صميمة اسمها “جميزلاند” فيها العاب وفيديو جيم وفيفا ومزيكا ورقاصة بلدي وفسيخ ورنجة عشان نحس بالأصالة والمعاصرة!

  7. tagreba said,

    عمرو: آه يا أخي يبدو إن فيه ناس كتير بتعمل حاجات عظيمة بالصدفة، مكناش نقصد والله

    الكسندرا: طب ما تخلليكو متسقين مع روحكو بقى وتخللوا المؤتمر راقص بدءاً من الدورات اللي جاية، عايزين نتوحد يا جماعة

    حمكشة: ايوة فكرنا في الموضوع ده اليابان اعترضت، عندهم فرقة اسمها كدة، حاجة تقرف يا اخي

  8. tagreba said,

    علاء بيه: مجلس قيادة الحركة العنصري معجب بأفكارك خالص بس عايزين نحط ف بالنا الخلط بين الأصالة والمعاصرة دايماً، الخلطة السرية يعني، أكل العيش مر نعمل ايه

  9. Ahmad Soltan said,

    انا هاجي ان شاء الله … وحشنا أكل الجميز

  10. Moia said,

    عمر.. منفسكش تعمل حفله على البحر فى اسكندرية.. بحرى بقى.. عند القلعه كده.. او عند اللسان اللى فى جليم.. و الهوا الساقع الحنين ينعنشكوا .. وصوتكوا يرن ع البحر… و الدنيا ليل و القمر طالع.. و اعزمكوا على ايس كريم مكرم..وتعزمونى على العشا!!
    اعيش واشفكوا فى اسكندرية يا عمر D:
    ربنا معاكوا فى الحفله ان شاء الله وكل حفله و انت طيب وسلامى للجميزه كلها 🙂

  11. tagreba said,

    ابو حميد: ووحشونا الأكّيلة يا سيدي

    مويا: يا ريييييييت يا مويا، كله بأمره، يوصل يا ستي

  12. amira said,

    oamr ana a’7eran 3andy agaza we 7a2dar agyyyyyyyyyyyyyyyyyyyy ha3 ha3 ha3

  13. Nour said,

    هي الحفلة لسه قائمة؟؟ أصلي رحت موقع الساقية و مكانوش جايبين سيرة خالص!

  14. tagreba said,

    أيوة قائمة طبعا، دي لو مش قائمة نقومئها احنا، ده انا اخرب بيتهم، ده احنا اتهرينا بروفات، تعالي تعالي متاخديش ف بالك

  15. nasser said,

    الاخ عمر الجميزة ليست حركة عنصرية انما هى رحلة فى البحث عن الهوية المصرية التى فى سبيلها الى الانقراض فالحفاظ على الاصل والهوية لا يصنف حركة ولكنها دعوة الى اكتشاف الجميل الذى فى سبيلة الى الانعاش انت فاهم حاجة؟


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: