May 1, 2007

لا أحد ينام في اسكندرية

Posted in موزونٌ مُقـــفـّى at 8:15 pm by عمر مصطفى

لا أحد ينام في اسكندرية

دينوكراتيس وترام تمانية

 

سيدي كُريّم والنديم وسيدي سيد ابو الدراويش

مجد وزهرة ورشدي وكاميليا

 

حدّش قرا التاريخين والصفحة هيّ هيّ

مدد يا مرسي يا ابو الدرداء يا بوصيري

يا ست صفيّة

 

سيدي ابراهيم كشّاف فنان

بإيده المدينة خللى المخبي يبان

 

 

لا هرب من الجمرك ولا سرق عنب م الغيط

بيصوم في مينا البصل ويزكّي ف زيزينيا

 

عاشق جلوس الرمل خطيب المنشية

سبّاح فلايكي يا ترعة المحمودية

 

داخل من الباب عُمر صوفي في الحضرة

لابس ملابس فؤاد حداد في راس سدرة

 

سند كتافه على العمود والعمود ده رخام

يا سلام لو حبة مُزز بحري على أروام

 

راغب في شرب البولكى في بوالينو وباكوس

يقول النكتة في الأزاريطة تضحك لها فاروس

 

عُشبجي في العطارة والعطارين أحوال

ماشي في مكس الطريق ولا النبي دانيال

 

كرموز وراس التين وستانلي وجليمو

محرم والبياصة.. الأنفوشي عارفينو

 

هو المغني ديميس والمخرجاتي جو

حكى بريشة وانلي الشراغيش حبّوه

 

لا أحد ينام في اسكندرية

دينوكراتيس وترام تمانية

 

سيدي كُريّم والنديم وسيدي سيد ابو الدراويش

مجد وزهرة ورشدي وكاميليا

 

أحمد مصطفى

اهداءاً لإبراهيم عبد المجيد

 

4 Comments »

  1. “أبو” الوز عوّام؟! اه يمكن!!!

  2. منار said,

    حبة مُزز بحري على أروام..حقيقى مش وصلانى ممكن توضح اكتر ..بس حقيقى روعة ..كلامتك تاخدنا الى زمن بعيد فى اسكندرية نسمعه من الاحاديث المسنه الاسكندرانيه ..كل اماكن اسكندرية القديمة مذكورة..والله عليك

  3. tagreba said,

    لول: شفت بقى تواصل الأجيال؟

    منار: بخصوص المزز هو موضوع يطول شرحه، وعموماً هو مش انا اللي كاتب ده، ده والدي، وشكراً على اي حال

  4. منار said,

    شكر خاص للوالد..ومتهياًلى وضحت الصورة عندى..على فكرة انا كنت بعمل بحث على النت للهندسة الصوتية ..ولكنى وجدت بدلاً منها وريقاتك ووريقات اصدقائك ..اعجبتنى كثيرا والصور رائعة وصوت جميل على العود..جروب جميل بصراحة واتمنى ان اكون معكم ..بس انا مليش وريقات منفصلة مثلك ولكن عندى صفحة فى الياهوو360. اعذرنى الكلمات اعجبتنى كثيراً .فاقتبست منك مقال اسكندرية فى صفحتى مع الاحتفاظ باسمك انت والاهداء الخاص بيها..اذا كان هذا يضايقك ..ممكن احذفة..
    واتمنى ان تزونى فيها على الاميل
    mano_830@yahoo.com..
    ودمت طيب .


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: