June 12, 2007

صلاحية

Posted in النجمة ام ديل at 1:37 pm by عمر مصطفى

قالب شيكولاتة اشتريته لمحبوبك قبل قليل، واكتشفت ان صلاحيته قد أوشكت جداً على الانتهاء.. مبروك: إنها نبوءات الشيكولاتة وتجليات الصلاحية، فلتشكر البائع الملهَم على انتظارك كل هذا الوقت، ولتنظر بعين من قد فهم الرسالة 🙂

February 23, 2007

توأمي الخشبي

Posted in النجمة ام ديل, تصاوير at 1:58 pm by عمر مصطفى

شكلك عازف ربابـة
ضاعت منه الربابـة
تايه بين ميت إجابة
ومعذبـك الســــؤال

 

شكلك حاسس بحاجة
بين التيه واللـــجاجة
أو معلول باعوجـاجة
في فهم الاحــــتـمال

 

شكلك عمّال تفكر
في أقل ولا اكـــتر
هو مزاجك معـــكر
ولا انت بألف حال

 

عينك مش باينة منك
وأكيد ده مـــش أدب
ومكان القلــب وَسَعة
ولا قـلــة خــــشـب؟؟

 

أهلاً يا زميل 🙂

أخينا ده لقيته امبارح في محل انتيكات افريقي فجبتهولي هدية، ويخلق من الشبه أربعين*

الصورة أعلاه وباقي الصور من تصاويري.. خدتها ف لحظة.. ولا بلاش **

February 6, 2007

طعم الينسون المُر والبُكا لجُوّه

Posted in النجمة ام ديل at 11:09 pm by عمر مصطفى

 

ولا موتي ولا موتك

ولا شيء يستدعي الأحزان

قد الموت الصاحي

والورد السكران

January 23, 2007

حلم

Posted in النجمة ام ديل at 1:03 pm by عمر مصطفى

أشوفك ف حلم

اتوجـع

أخاف انام تاني

!

November 26, 2006

آخر ضحكة

Posted in النجمة ام ديل at 1:39 am by عمر مصطفى

حوْشنا آخر ضحكنا

لوقت أصدق

نحتفل فيه بالحياة

حوْشنا آخر ضحكنا

لوقت سافر.. مجاش

متحوْشوش الضحك

الضحك مش ببلاش

 

عمر

November 22, 2006

أو (للأسف) .. ماعرفش

Posted in النجمة ام ديل at 12:57 am by عمر مصطفى

احنا المحتاجين للأبد

نحتاج حاجات.. وتموت

نلاقي احتياج اتولد

 احنا..المحتاجين للأبد

عمر

November 10, 2006

صباح الخير يا ياسمينة

Posted in النجمة ام ديل, تصاوير at 11:22 pm by عمر مصطفى

 

 

 

شعور يوجع انك تقول لحد جمييل قوي، اول مرة تشوفه: صباح الخير، وتبقى عارف ان دي آخر مرة هتشوفه أو تقول له: صباح الخير، حتى لو كان الحد ده ياسمينة فوق سطوح بيتكو……. هههههههههه كل ده ياسمين قلت له صباح الخير ومشفتهوش تاني، صباح الخير يا ياسمينة

 

فوتوغرافيا: عمر

September 20, 2006

حقيقة

Posted in النجمة ام ديل at 7:18 am by عمر مصطفى

بعد أن أرسلها إلى خطيبته عبر رسالة قصيرة، نفحني العزيز إياد بهذه العبارة التي زارته فجأة وسكنتني على الفور

الذي يجدُ حقيقةً ولا يمسكها كالذي أدناه منه اللهُ فآثرَ البُعد

August 28, 2006

أنك لم تعرف

Posted in النجمة ام ديل at 1:15 pm by عمر مصطفى

عزائي الوحيد أنك لم تعرف من أنا حتى افترقنا.. وذنبي الوحيد أنني قد عرفت من أنت .. ولم أفارقك!!

 

July 31, 2006

صعب

Posted in النجمة ام ديل at 11:47 am by عمر مصطفى

ليه اللقا صعب؟

عشان الفراق أصعب

Next page