March 2, 2006

يا أهل ودّي

Posted in حياتي at 10:04 am by عمر مصطفى

سلام على الناس الحلوين.. واحشاني “التجربة” والتواصل والزخم، لكن السكوت أحياناً فضيلة، والبعد مش معناه فراق.. ولا ايه

 


على أي حال، حبيت أدعوكم جميعاً أنتم ومن تحبون لحضور قعدة جديدة للجميزة، في قاعة الحكمة بساقية الصاوي يوم الثلاثاء القادم 7 مارس الثامنة مساءاً..

 

بالنسبة للي حضروا قبل كدة، فيه إضافات جديدة المرة دي، في الآلات الموسيقية والأصوات، ويمكن الأغاني، والمفاجأة مشاركة مدونة عزيزة بالغنا في جميزة لأول مرة، والظاهر دي نواة لجوقة مدونين هتكسر الدنيا، أكتر ماهي مدشدشة

 

اقدم لكم جميزة

 

أصوات: ناصر النوبي، ميدو، يوسف سلامة، نورا أنور، (مفاجأة)، عمر مصطفى
إيقاعات: الأمير، أشرف، مجدي
عود: عمر مصطفى
قانون: عادل عامر
كمان: أسامة غيث
كلارنيت: عم عبد الحميد

 

كل قعدة وانتم طيبين

19 Comments »

  1. Nerro said,

    السكوت ساعات بيكون فضيلة أه مش مختلفين..بس انت طولت حبتين المرة دي🙂
    أشوفك في قعدة الجميزة ان شاء الله🙂

  2. Aladdin said,

    يا ريت نجمّع دايما في ضل الجميزة يا عمّور!

  3. حمد الله ع السلامة
    وحشتنا تجاربك

  4. hesterua said,

    اخيرا….عود احمد يا عم عمر
    و حفلة موفقة انشاء الله

  5. AZ said,

    opaaaaaa ana 3rfa el mofg2a aften???????

  6. أخيرا!
    فينك يا عمر بس؟

    نشوفك يوم التلات بقى!🙂

  7. Doaa Samir said,

    حمد الله ع السلامة يا باشا..افتقدت وجودك البلوجي يا أخي!!د

  8. Omar said,

    نيرو: في انتظارك
    علاء: متكملش الا بيك يا لول
    زيفاجو: يارب، مش هاشوفك بقى؟
    عمرو: الله يسلمك، لا أوحشنا الله منك
    اي زي: شششهسبسسسسسسسس، ابقي افتني بعد الحفلة الله يخليكين البنت مخضوضة من غير حاجة
    محمود: في انتظار انضمامك للجميزة لو القعدة عجبتك، خللي الشجر يخضر
    دعاء: الله يسلمك يا دعاء

  9. Mai Hamdy said,

    أخيرا يا عمر حدثت البلوج…ولو انه مجرد اعلان بس ماشي

    I will be there isa

    بس نفسي اسمع ارمي حمولك بصوتك

  10. Emad ... said,

    حمدالله على السلامة يا فندم
    فينك يا عم
    تانى بعرف عن قعدات الجميزة و برضة مش هاجى
    ما تيجو اسكندرية بقى يا اخى

  11. أبوشنب said,

    قبلنا دعوتكم الكريمة

    نراكم تحت الجميزة

    أو جوه الجخنونة

  12. Omar said,

    مي: حاضر يا ستي، تؤمري
    عماد: الله يسلمك، حضر لنا انت قعدة كدة ع البحر، واحنا نجيب الجميز كله ونيجي🙂
    أبوشنب: هتنور، وشكراً على ذوقك

  13. مـهـا said,

    حمدلله علي السلامه يا عمر … كان نفسي احضر قعدة الجميزة بس مع الأسف أنا لسه عارفه النهاردة…

  14. Omar said,

    سماح: وجودك امبارح كان مهم وجميل، بجد متشكر على كل حاجة، وانتي ع البال يا ستي، وتحت أمرك في أي وقت طبعا

    مها: الله يسلمك، ولا يهمك ملحوقة.. بس انتي فينك، مختفية، لعله خير

  15. Aladdin said,

    ثقتي في فنك لا حدود لها.. آسف على عدم الحضور.. أنت عارف حاسس إنني أصبحت سبارتاكوس المعادي!! حاجة متفرئش كتير عن “فتاة” المعادي!!!

  16. Geronimo said,

    ياااهـ ياعمر
    وحشتنا ياراجل
    لا اسكت الله لك حساً
    طبعا انا كنت امبارح تحت ضل الجميزة
    وشفتك كنت منور الحفلة
    كلكوا هايلين وحلوين موت
    ورجعتونى لحاجات
    وحسستونى بحاجات
    رغم الحضور القليل والاهتمام اللى تستحقوا اكتر منه بكتير
    كفاية انه كل اللى جم … جم بالحب
    لا بالنفاق ولا الفراغ ولا الدعوات المجانية والاستخسار
    حمد الله ع السلامة يا بطل
    وخلينى ع البال
    عشان انا محتاجة اقعد احكي معاك شوية
    وخايفة بصراحة اقولك تطلع مش فاضي
    واتكبس انا

  17. Geronimo said,

    عمر بعت لك الاميل اللى فات
    اصلا عشان اقولك انى سجلت الحفلة ع الموبايل على كام جزء
    هو تسجيل متواضع بالموبايل بس صوته كويس وانا نزلته ع الكمبيوتر
    بس معرفتش اعمل اب لووود
    انا استغربت لما قريت ردك على اميلي وملقيتش اى شئ بخصوص الفيلم
    ولما قريت اميلي استغربت اكتر لانى ملقيتش اى حاجة بخصوصه برضه
    الاستغراق في الكتابة ودانى لسكة تانية
    شفت توهان اكتر من كده
    المهم ابعت لك اليلم ازاى
    خاصة اغنية افضي الكلام لوحدها 8 دقايق وزيادة حوالى 10 ميجا

  18. radwa osama said,

    وحشتنا كثير يا عمر ..بجد والله مفتقدين بلوجك وندمانه انى ما حضرتش الحفله ..واضح انها كانت حلوة ..بس تتعوض ..معلش

  19. Omar said,

    جيرونيمو هانم: لو الايميل مش نافع والضغط مش نافع ممكن تجربي
    ourmedia.org وتبعتيلي اللينك
    أشكرك بشدة يا ست الكل

    رضوى: لا أبداً مفاتكيش كتير، حتى كان أمشير عامل عمايله يوميها. شكراً على سؤالك ولطفك–>


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: