March 2, 2006
يا أهل ودّي
سلام على الناس الحلوين.. واحشاني “التجربة” والتواصل والزخم، لكن السكوت أحياناً فضيلة، والبعد مش معناه فراق.. ولا ايه
على أي حال، حبيت أدعوكم جميعاً أنتم ومن تحبون لحضور قعدة جديدة للجميزة، في قاعة الحكمة بساقية الصاوي يوم الثلاثاء القادم 7 مارس الثامنة مساءاً..
بالنسبة للي حضروا قبل كدة، فيه إضافات جديدة المرة دي، في الآلات الموسيقية والأصوات، ويمكن الأغاني، والمفاجأة مشاركة مدونة عزيزة بالغنا في جميزة لأول مرة، والظاهر دي نواة لجوقة مدونين هتكسر الدنيا، أكتر ماهي مدشدشة
اقدم لكم جميزة
أصوات: ناصر النوبي، ميدو، يوسف سلامة، نورا أنور، (مفاجأة)، عمر مصطفى
إيقاعات: الأمير، أشرف، مجدي
عود: عمر مصطفى
قانون: عادل عامر
كمان: أسامة غيث
كلارنيت: عم عبد الحميد
كل قعدة وانتم طيبين
Nerro said,
March 2, 2006 at 11:19 am
السكوت ساعات بيكون فضيلة أه مش مختلفين..بس انت طولت حبتين المرة دي 🙂
أشوفك في قعدة الجميزة ان شاء الله 🙂
Aladdin said,
March 2, 2006 at 11:37 am
يا ريت نجمّع دايما في ضل الجميزة يا عمّور!
عمرو عزت said,
March 3, 2006 at 2:03 am
حمد الله ع السلامة
وحشتنا تجاربك
hesterua said,
March 3, 2006 at 12:41 pm
اخيرا….عود احمد يا عم عمر
و حفلة موفقة انشاء الله
AZ said,
March 4, 2006 at 3:19 am
opaaaaaa ana 3rfa el mofg2a aften???????
محمود عزت said,
March 4, 2006 at 7:34 am
أخيرا!
فينك يا عمر بس؟
نشوفك يوم التلات بقى! 🙂
Doaa Samir said,
March 5, 2006 at 9:41 am
حمد الله ع السلامة يا باشا..افتقدت وجودك البلوجي يا أخي!!د
Omar said,
March 5, 2006 at 9:51 am
نيرو: في انتظارك
علاء: متكملش الا بيك يا لول
زيفاجو: يارب، مش هاشوفك بقى؟
عمرو: الله يسلمك، لا أوحشنا الله منك
اي زي: شششهسبسسسسسسسس، ابقي افتني بعد الحفلة الله يخليكين البنت مخضوضة من غير حاجة
محمود: في انتظار انضمامك للجميزة لو القعدة عجبتك، خللي الشجر يخضر
دعاء: الله يسلمك يا دعاء
Mai Hamdy said,
March 5, 2006 at 10:05 am
أخيرا يا عمر حدثت البلوج…ولو انه مجرد اعلان بس ماشي
I will be there isa
بس نفسي اسمع ارمي حمولك بصوتك
Emad ... said,
March 5, 2006 at 11:00 am
حمدالله على السلامة يا فندم
فينك يا عم
تانى بعرف عن قعدات الجميزة و برضة مش هاجى
ما تيجو اسكندرية بقى يا اخى
أبوشنب said,
March 6, 2006 at 3:29 am
قبلنا دعوتكم الكريمة
نراكم تحت الجميزة
أو جوه الجخنونة
Omar said,
March 6, 2006 at 3:47 am
مي: حاضر يا ستي، تؤمري
عماد: الله يسلمك، حضر لنا انت قعدة كدة ع البحر، واحنا نجيب الجميز كله ونيجي 🙂
أبوشنب: هتنور، وشكراً على ذوقك
مـهـا said,
March 8, 2006 at 1:13 am
حمدلله علي السلامه يا عمر … كان نفسي احضر قعدة الجميزة بس مع الأسف أنا لسه عارفه النهاردة…
Omar said,
March 8, 2006 at 1:27 am
سماح: وجودك امبارح كان مهم وجميل، بجد متشكر على كل حاجة، وانتي ع البال يا ستي، وتحت أمرك في أي وقت طبعا
مها: الله يسلمك، ولا يهمك ملحوقة.. بس انتي فينك، مختفية، لعله خير
Aladdin said,
March 8, 2006 at 6:40 am
ثقتي في فنك لا حدود لها.. آسف على عدم الحضور.. أنت عارف حاسس إنني أصبحت سبارتاكوس المعادي!! حاجة متفرئش كتير عن “فتاة” المعادي!!!
Geronimo said,
March 8, 2006 at 10:50 am
ياااهـ ياعمر
وحشتنا ياراجل
لا اسكت الله لك حساً
طبعا انا كنت امبارح تحت ضل الجميزة
وشفتك كنت منور الحفلة
كلكوا هايلين وحلوين موت
ورجعتونى لحاجات
وحسستونى بحاجات
رغم الحضور القليل والاهتمام اللى تستحقوا اكتر منه بكتير
كفاية انه كل اللى جم … جم بالحب
لا بالنفاق ولا الفراغ ولا الدعوات المجانية والاستخسار
حمد الله ع السلامة يا بطل
وخلينى ع البال
عشان انا محتاجة اقعد احكي معاك شوية
وخايفة بصراحة اقولك تطلع مش فاضي
واتكبس انا
Geronimo said,
March 11, 2006 at 6:23 am
عمر بعت لك الاميل اللى فات
اصلا عشان اقولك انى سجلت الحفلة ع الموبايل على كام جزء
هو تسجيل متواضع بالموبايل بس صوته كويس وانا نزلته ع الكمبيوتر
بس معرفتش اعمل اب لووود
انا استغربت لما قريت ردك على اميلي وملقيتش اى شئ بخصوص الفيلم
ولما قريت اميلي استغربت اكتر لانى ملقيتش اى حاجة بخصوصه برضه
الاستغراق في الكتابة ودانى لسكة تانية
شفت توهان اكتر من كده
المهم ابعت لك اليلم ازاى
خاصة اغنية افضي الكلام لوحدها 8 دقايق وزيادة حوالى 10 ميجا
radwa osama said,
March 13, 2006 at 1:52 am
وحشتنا كثير يا عمر ..بجد والله مفتقدين بلوجك وندمانه انى ما حضرتش الحفله ..واضح انها كانت حلوة ..بس تتعوض ..معلش
Omar said,
March 13, 2006 at 3:15 am
جيرونيمو هانم: لو الايميل مش نافع والضغط مش نافع ممكن تجربي
ourmedia.org وتبعتيلي اللينك
أشكرك بشدة يا ست الكل
رضوى: لا أبداً مفاتكيش كتير، حتى كان أمشير عامل عمايله يوميها. شكراً على سؤالك ولطفك–>